இன்று (30) காலை 09.30 மணிக்கு சபாநாயகர் கலாநிதி ஜகத் விக்ரமரத்ன தலைமையில் விசேட பாராளுமன்ற அமர்வு 
கூட்டம் திட்டமிடப்பட்டுள்ளது.

2024 ஆம் ஆண்டு 44 ஆம் இலக்க பொது நிதி மேலாண்மைச் சட்டத்தின் பிரிவு 11 இன் படி, ஒவ்வொரு ஆண்டும் ஜூன் 30 ஆம் திகதி அல்லது அதற்கு முன்னர் அரசாங்கம் ஒரு நிதி மூலோபாய அறிக்கையை அறிவிக்க வேண்டும் என்ற தேவையை நிறைவேற்றுவதற்காக பாராளுமன்றம் இந்த முறையில் கூட திட்டமிடப்பட்டுள்ளது.

பிரதமரின் வேண்டுகோளின் பேரில், பாராளுமன்றத்தின் நிலையியற் கட்டளைகள் 16 இன் படி, சபாநாயகர் இந்த முறையில் பாராளுமன்றத்தைக் கூட்டியுள்ளார்.
அதன்படி, இது தொடர்பாக அரசு கொண்டு வரும் ஒத்திவைப்பு விவாதம் மாலை 4.30 மணி வரை நடைபெற உள்ளது.

ஜூலை 8, 9 மற்றும் 11 ஆம் தேதிகளில் பாராளுமன்றம் மீண்டும் கூடும் என்று பாராளுமன்ற செயலகம் தெரிவித்துள்ளது.

2024 (2025) க.பொ.த. சாதாரண தரப் பரீட்சையின் முடிவுகள் ஜூலை மூன்றாவது வாரத்தில் வெளியிடப்படும் என்று பரீட்சைகள் ஆணையர் ஜெனரல் ஏ.கே.எஸ். இந்திகா குமாரி லியனகே தெரிவித்தார்.

வெளியீட்டுத் திகதியைக் குறிக்கும் சமீபத்திய சமூக ஊடக அறிக்கைகள் தவறானவை என்று அவர் தெளிவுபடுத்தினார்.

முடிவுகள் வெளியிடுவது தொடர்பான அதிகாரப்பூர்வ புதுப்பிப்புகளை மட்டுமே நம்பியிருக்குமாறு பரீட்சைத் துறை பொதுமக்களை வலியுறுத்தியுள்ளது.

சி.ஐ.டியின் பணிப்பாளராக எஸ்.எஸ்.பி ஷானி அபேசேகரவை நியமிக்கப்பட்டுள்ளார்.

குறித்த நியமனத்திற்கு தேசிய பொலிஸ் ஆணையகம் ஒப்புதல் அளித்துள்ளது.

ஐக்கிய நாடுகள் சபையின் மனித உரிமைகள் உயர்ஸ்தானிகர் வோல்கர் டேர்க்கின் தேவைக்கு ஏற்ப ஆட்டி வைப்பதற்கு, இலங்கை ஐ.நா.வின் கைப்பாவை அல்ல. உங்களது தேவைகளை நிறைவேற்றுவதற்காக இந்த அரசாங்கத்தை பயன்படுத்திக் கொள்ள முயற்சித்தால் அதற்கு தாம் ஒருபோதும் இடமளிக்கப் போவதில்லை என ஐக்கிய மக்கள் சக்தியின் பாராளுமன்ற உறுப்பினர் சமிந்த விஜேசிறி தெரிவித்தார்.

களுத்துறையில்  வெள்ளிக்கிழமை (27)  இடம்பெற்ற ஊடகவியலாளர் மாநாட்டில் இதனைத் தெரிவித்த அவர் மேலும் குறிப்பிடுகையில்,

இந்த அரசாங்கம் ஆட்சியமைப்பதற்கு பல்வேறு அரச சார்பற்ற அமைப்புக்கள் பாரிய உதவி, ஒத்துழைப்புக்களை வழங்கின.30 ஆண்டு கால யுத்தத்தின் நிறைவில் இராணுவ வீரர்கள் மீது குற்றச்சாட்டுக்களை சுமத்துவதற்கு பலரும் முயற்சித்தனர். குறிப்பாக புலம்பெயர் தமிழர்களின் தேவைக்காகவே இந்த முயற்சிகள் முன்னெடுக்கப்பட்டன.

அந்த வகையில் தற்போது அரசாங்கத்தினால் முன்னெடுக்கப்படும் செயற்பாடுகள் அந்த தேவைகளை நிறைவேற்றுவதற்கானவையா என்ற சந்தேகமும் எழுகிறது.

ஆனால் உங்களது தேவைகளை நிறைவேற்றுவதற்காக இந்த அரசாங்கத்தை பயன்படுத்திக் கொள்ள முயற்சித்தால் அதற்கு நாம் தயாராக இல்லை.

எனவே அரச சார்பற்ற அமைப்புக்களின் தேவைகளுக்காக நாட்டை ஆட்டி வைப்பதற்கு இலங்கை  ஐ.நா.வின் கைப்பாவை இல்லை என்பதை உயர்ஸ்தானிகர் வோல்க்கருக்கு நினைவுபடுத்துகின்றோம் என்றார்.

ஸ்ரீலங்கன் எயார்லைன்ஸ் நிறுவனத்தின் முன்னாள் தலைவர் நிஷாந்த விக்ரமசிங்க இலஞ்ச ஒழிப்பு ஆணைக்குழுவால் கைது செய்யப்பட்டுள்ளார். 

விமானங்கள் கொள்வனவு செய்தமை தொடர்பான விசாரணைக்கு அமைய அவர் கைது செய்யப்பட்டதாக இலஞ்ச ஒழிப்பு ஆணைக்குழு தெரிவித்துள்ளது.

தோட்டத் தொழிலாளர்களின் சம்பளத்தை நேரடியாக அதிகரிக்கும் திறன் அரசாங்கத்திற்கு இல்லை என்று பெருந்தோட்ட மற்றும் சமூக உள்கட்டமைப்பு அமைச்சர் சமந்த வித்யாரத்ன தெரிவித்துள்ளார்.

அதனால்தான் ஜனாதிபதி வரவு செலவுத் திட்டத்தை முன்வைக்கும் போது, ​​தோட்டத் தொழிலாளர்களின் சம்பளத்தை அதிகரிக்க நடவடிக்கை எடுப்பதாகக் கூறினார் என்று அவர் சுட்டிக்காட்டுகிறார்.

தோட்டத் தொழிலாளர்களின் ஊதியத்தை அதிகரிப்பதற்கான சாத்தியக்கூறு, தோட்ட முதலாளிகளுக்கும் தோட்டத் தொழிற்சங்கங்களுக்கும் இடையில் எட்டப்பட்ட கூட்டு ஒப்பந்தத்தின் அடிப்படையில் அமைந்துள்ளது என்றும், இதில் அரசாங்கம் இடைத்தரகராகச் செயல்படும் என்றும் அமைச்சர் சுட்டிக்காட்டுகிறார்.

அரசாங்கம் தோட்ட உரிமையாளர்களுடன் பல சுற்று பேச்சுவார்த்தைகளை நடத்தியது, இந்த ஆண்டு தோட்டத் தொழிலாளர்களின் ஊதியத்தை 1700 ஆக உயர்த்த அரசாங்கம் தீவிர முயற்சிகளை மேற்கொண்டு வருவதாகவும் அமைச்சர் சமந்த வித்யாரத்ன வலியுறுத்துகிறார்.