UNICEF இன் சமீபத்திய அறிக்கையில் இலங்கையில் சுமார் 56,000 குழந்தைகள் கடுமையான ஊட்டச்சத்து குறைபாட்டால் பாதிக்கப்பட்டுள்ளதாகவும், 5 வயதுக்குட்பட்ட குழந்தைகளுக்கு அவசர உதவி தேவைப்படுவதாகவும் காட்டுகிறது.

இலங்கையில் 22 இலட்சம் சிறுவர்களுக்கு மனிதாபிமான உதவி தேவைப்படுவதாகவும் அந்த அறிக்கையில் குறிப்பிடப்பட்டுள்ளது.

இலங்கையில் ஏற்பட்டுள்ள பொருளாதார மற்றும் அரசியல் நெருக்கடி காரணமாக 2022ஆம் ஆண்டில் வெளிநாட்டு வேலைகளுக்கு செல்லும் தொழிலாளர்களின் எண்ணிக்கை 286 வீதத்தால் அதிகரித்துள்ளதாக அந்த அறிக்கையில் குறிப்பிடப்பட்டுள்ளது.

மேலும், இலங்கையில் 4.8 மில்லியன் குழந்தைகள் கல்வி கற்க வேண்டும் என யுனிசெஃப் அறிக்கையில் சுட்டிக்காட்டப்பட்டுள்ளது.

இலங்கையில் நிலவும் பொருளாதார நெருக்கடியை கருத்தில் கொண்டு, இந்த ஆண்டு அக்டோபர் முதல் அடுத்த ஆண்டு பெப்ரவரி வரையிலான காலப்பகுதியில் உணவுப் பாதுகாப்பின்மை மோசமடையும் என்றும், 6.2 மில்லியன் மக்கள் மிதமான உணவுப் பற்றாக்குறையாலும், 66,000 பேர் கடுமையான உணவுப் பாதுகாப்பின்மையாலும் பாதிக்கப்பட்டுள்ளதாக யுனிசெப் தெரிவித்துள்ளது.

இலங்கையில் உள்ள ஒவ்வொரு 5 குடும்பங்களிலும் 2 குடும்பங்கள் தமது மாதாந்த சம்பளத்தில் 75 வீதத்தை தமது உணவுத் தேவையை பூர்த்தி செய்ய செலவிடுவதாகவும், அதனால் அந்தக் குடும்பங்கள் கல்வி மற்றும் சுகாதாரத்திற்காக மிகக் குறைந்தளவே ஒதுக்க முடியும் எனவும் அறிக்கை காட்டுகிறது. 

பணவீக்கம் காரணமாக பெரும்பாலான குடும்பங்கள் தங்களது சேமிப்பில் பெரும்பகுதியை செலவழித்துள்ளதாகவும், அந்த குடும்பங்கள் தங்களது அடிப்படை தேவைகளை பூர்த்தி செய்ய முடியாமல் கடும் சிக்கலை எதிர்கொள்வதாகவும் அந்த அறிக்கை கூறுகிறது.

முன்னாள் அமைச்சரும் பொதுஜன ஐக்கிய பெரமுனவின் தேசிய அமைப்பாளருமான பசில் ராஜபக்ஷ இன்று (20) காலை கட்டுநாயக்க விமான நிலையம் ஊடாக நாட்டை வந்தடைந்தார்.

இவர் ஒரு மாதத்திற்கு முன்பு அமெரிக்கா சென்றிருந்தார்.

எமிரேட்ஸ் எயார்லைன்ஸ் விமானம் EK-650 மூலம் திரு.பசில் ராஜபக்ஷ இன்று காலை 08.30 மணியளவில் டுபாயிலிருந்து கட்டுநாயக்க விமான நிலையத்தை வந்தடைந்திருந்தார்.

ரோஹித அபேகுணவர்தன, ஜோன்ஸ்டன் பெர்னாண்டோ, காமினி லோககே, பவித்ரா வன்னியாராச்சி, சாந்த பண்டார, எஸ்.எம்.சந்திரசேன, பிரசன்ன ரணவீர, பியல் நிஷாந்த உள்ளிட்ட அமைச்சர்கள் குழுவும் அவரை வரவேற்க கட்டுநாயக்க விமான நிலைய விசேட விருந்தினர் அறைக்கு வருகை தந்திருந்தனர். 

பெண்களை வெளிநாடுகளுக்கு அனுப்பி ஆள் கடத்தல் செய்த வழக்கில் கைது செய்யப்பட்ட நபர் எதிர்வரும் 24ஆம் திகதி வரை விளக்கமறியலில் வைக்கப்பட்டுள்ளார்.

டுபாய் மற்றும் ஓமானுக்கு மனித கடத்தலில் ஈடுபட்ட முக்கிய சந்தேக நபர் என அடையாளம் காணப்பட்டவர், கட்டுநாயக்க விமான நிலையத்தில் இன்று (19) காலை கைது செய்யப்பட்டுள்ளார்.

விமான நிலைய புலனாய்வு பிரிவினரால் தடுத்து வைக்கப்பட்டிருந்த சந்தேகநபர் நீர்கொழும்பு நீதவான் முன்னிலையில் ஆஜர்படுத்தப்பட்டு விளக்கமறியலில் வைக்கப்பட்டுள்ளார்.

பாதாள உலகக் குழு உறுப்பினர் என்று கூறப்படும் "மன்னா கண்ணா" என்ற நபர் மீது இனந்தெரியாத நபரால் துப்பாக்கிச் சூடு மேற்கொள்ளப்பட்டுள்ளது. 

இது கிராண்ட்பாஸ் – நவகம்புர பிரதேசத்தில் நடைபெற்றுள்ளது.

துப்பாக்கிச் சூட்டில் காயமடைந்த நபர் தற்போது சிகிச்சைக்காக வைத்தியசாலையில் அனுமதிக்கப்பட்டுள்ளார்.

அவர் கை மற்றும் தலையில் சுடப்பட்டுள்ளதாக பொலீசார் தெரிவித்தனர்.

துப்பாக்கிச்சூடு நடத்திய நபர் இதுவரை கைது செய்யப்படாத நிலையில், சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.

பிரேசிலைச் சேர்ந்த மாடல் அழகி மார்செல்லா எலன் பைவா மார்டின்ஸ் தனது 40 வயது காதலரான ஜோர்டான் லோம்பார்டியுடன் பிரேசிலியாவில் உள்ள பார்க்வே ஓட்டலில் தங்கி இருந்தார்.

லோம்பார்டியாவும் மார்செல்லாவும் ஜனவரி 2023 இல் திருமணம் செய்து கொள்ள திட்டமிட்டிருந்தனர். அழகி மார்செல்லா போதையில் இருந்ததாக கூறப்படுகிறது. அதிகாலையில், அவர்களுக்குள் சண்டை ஏறபட்டு உள்ளது.

அப்போது லோம்பார்டியிடம் இருந்து கைத்துப்பாக்கியைப் பறித்து அவரை சுட்டு உள்ளார். படுகாயம் அடைந்த காதலர் லோம்பார்டி மருத்துவமனையில் சிகிஅச்சி பெற்று வருகிறார்.

பின்னர் அவர் நிர்வாணமாக லோம்பார்டியின் ஆடி கியூ7 காரில் தப்பிக்க முயன்று உள்ளார். அப்போது ஓட்டலின் வாயிலில் டிரைவரை தாக்கி உள்ளார்.பின்னர் பள்ளி பேருந்தின் ஓட்டுநரை துப்பாக்கியைக் காட்டி மிரட்டி உள்ளார்.

வெளிநாட்டு வாழ் இலங்கையர்களின் அலுவலகம் (Office of the Overseas)  என்ற நிறுவனத்தை டிசம்பர் மாதத்திற்குள் ஆரம்பிக்க இலங்கை அரசாங்கம் நடவடிக்கை எடுத்துள்ளது.

வெளிவிவகார அமைச்சின் மேற்பார்வையின் கீழ் இந்த அலுவலகம் திறக்கப்படவுள்ளதுடன், வெளிநாடுகளில் வாழும் இலங்கையர்கள் அதனுடன் நேரடியாக தொடர்புகொண்டு நாட்டின் பொருளாதார முன்னேற்றத்திற்கு உறுதுணையாக இருப்பதற்கான சந்தர்ப்பத்தை இது வழங்கும்.

ஜனாதிபதி ரணில் விக்கிரமசிங்க பதவியேற்றவுடன் புலம்பெயர்ந்தோரிடமும், வெளிநாடுகளில் உள்ள இலங்கையர்களிடமும் நாட்டுக்கு உதவுமாறு கேட்டுக் கொண்டார்.

ஜனாதிபதி ரணில் விக்கிரமசிங்கவை லண்டனில் சந்தித்து கலந்துரையாடிய புலம்பெயர் சமூகத்தினரை புலம்பெயர்ந்தோர் என்ற பெயருக்கு பதிலாக வெளிநாடுகளில் உள்ள இலங்கையர்கள் என அறிமுகப்படுத்த தீர்மானித்துள்ளார்.

புதிய அலுவலகம் ஸ்தாபிக்கப்பட்ட பின்னர் சிங்கள மற்றும் தமிழ் புலம்பெயர்ந்தோர் இந்த அலுவலகத்தை நேரடியாக தொடர்பு கொண்டு இலங்கையில் முதலீடு செய்யலாம்.

மற்ற முதலீட்டாளர்களை இணைக்கும் வாய்ப்பும் உள்ளது.

புதிய அலுவலகத்தை அமைப்பதற்கான அமைச்சரவை ஆவணம் அடுத்த வாரம் அமைச்சரவையில் சமர்ப்பிக்கப்படவுள்ளதுடன், டிசம்பர் மாத இறுதிக்குள் அலுவலகத்தை நிறுவும் பணிகள் ஆரம்பிக்கப்படும்.

கடந்த வாரம் வெளிவிவகார அமைச்சர் அலி சப்ரி, தலைமை அதிகாரி சாகல ரத்நாயக்க மற்றும் நீதி அமைச்சின் அதிகாரிகளுக்கு இடையில் இடம்பெற்ற கலந்துரையாடலின் போதே இந்த தீர்மானம் எட்டப்பட்டுள்ளது.

வங்கிகளில் பெறப்படும் கடனுக்கான வட்டி வீத அதிகரிப்பை கட்டுப்படுத்த முடியாது என ஜனாதிபதி ரணில் விக்கிரமசிங்க ஆளும் கட்சி உறுப்பினர்களுக்கு அறிவித்துள்ளார்.

வங்கிகளில் குறைந்த வட்டியில் வாங்கிய கடனுக்கு தொழிலதிபர்கள், மக்கள் 20 சதவீதம் முதல் 30 சதவீதம் வரை வட்டி கட்ட வேண்டிய நிலை ஏற்பட்டுள்ளதாக ஜனாதிபதி தலைமையில் நடந்த ஆளுங்கட்சி உறுப்பினர்கள் கூட்டத்தில் எம்பிக்கள் தெரிவித்துள்ளனர்.

எனவே நிவாரணம் வழங்குமாறு பாராளுமன்ற உறுப்பினர்கள் ஜனாதிபதியிடம் கோரிக்கை விடுத்துள்ளனர்.

அதற்கு பதிலளித்த ஜனாதிபதி, “கடனை செலுத்த எங்களிடம் பணம் இல்லை. பெரிய பட்ஜெட் இடைவெளி உள்ளது. வட்டி விகித உயர்வு தற்காலிகமானது. முதலில் நீங்கள் அதை கட்டுப்படுத்த வேண்டும். தற்போது IMF உடன் பேசி வருகிறோம். ஜனவரிக்குள், இந்தியாவும் சீனாவும் எங்களுக்கு சாதகமாக பதிலளிக்கும். கடன் மறுசீரமைப்பு நடந்தவுடன், வட்டி விகிதம் மாறும்.

இதில் கலந்து கொண்ட மத்திய வங்கியின் ஆளுநர் நந்தலால் வீரசிங்க, வங்கி வட்டி வீத அதிகரிப்பு தொடர்பில் பாராளுமன்ற உறுப்பினர்களுக்கு உண்மைகளை விளக்கியதாகவும் தெரிவிக்கப்படுகிறது.

விரைவான வட்டி வீதத்தினால் பாதிக்கப்பட்டுள்ள வங்கி வாடிக்கையாளர்கள் குறுகிய காலத்திற்கு தமது கடனுக்கான வட்டியை மாத்திரம் செலுத்துவதற்கு உரிய வங்கிகளுடன் பேச்சுவார்த்தை நடத்த முடியும் என இலங்கை மத்திய வங்கி சுட்டிக்காட்டியுள்ளது.

வங்கிகளுக்கு அறிவுறுத்தல் வழங்கப்பட்டுள்ளதாக மத்திய வங்கி ஆளுநர் கலாநிதி நந்தலால் வீரசிங்க கடந்த வாரம் பாராளுமன்றத்தில் நடைபெற்ற நிதி, பொருளாதார ஸ்திரப்படுத்தல் மற்றும் தேசிய கொள்கை அமைச்சு ஆலோசனைக் குழுவிலும் சுட்டிக்காட்டியிருந்தார்.