மூன்று நாட்கள் உத்தியோகபூர்வ விஜயம் மேற்கொண்டு இந்தியா சென்று ஜனாதிபதி அநுரகுமார திசாநாயக்கவை உத்தியோகபூர்வமாக வரவேற்கும் நிகழ்வு இன்று (16) இந்திய ஜனாதிபதியின் உத்தியோகபூர்வ இல்லமான ராஷ்டிரபதிபவனில் நடைபெறவுள்ளது.

ஜனாதிபதியை வரவேற்கும் உத்தியோகபூர்வ நிகழ்வு இன்று காலை 10.00 மணிக்கு ஆரம்பமாகவுள்ளது.

ஜனாதிபதியின் முதலாவது வெளிநாட்டு விஜயத்தை ஆரம்பித்து, நேற்று (15) மாலை சுமார் 5.30 மணியளவில் ஜனாதிபதி மற்றும் அவரது குழுவினர் பயணித்த விமானம் இந்தியாவின் புதுடில்லியில் உள்ள இந்திரா காந்தி சர்வதேச விமான நிலையத்தை சென்றடைந்தது.

அங்கு, தகவல் தொடர்புத் துறை அமைச்சர் கலாநிதி எஸ். முருகன், இலங்கைக்கான இந்திய உயர்ஸ்தானிகர் சந்தோஷ் ஜா மற்றும் இராஜதந்திரிகள் குழுவினர் ஜனாதிபதியை விமான நிலையத்தில் வரவேற்றனர்.

அதன்பிறகு, ஜனாதிபதி, இந்திய நிதி மற்றும் நிறுவன அலுவல்கள் அமைச்சர் நிர்மலா சீதாராமன், வெளியுறவுத் துறை அமைச்சர் கலாநிதி எஸ். ஜெய்சங்கர் மற்றும் இந்தியாவின் தேசிய பாதுகாப்பு ஆலோசகர் அஜித் தோவல் ஆகியோர் ஜனாதிபதியுடன் பேச்சுவார்த்தை நடத்தியுள்ளனர்.

இந்திய – இலங்கை பொருளாதார ஒத்துழைப்பை அதிகரிப்பதுடன் இரு நாடுகளுக்கும் இடையிலான முதலீட்டு வாய்ப்புகளை விரிவுபடுத்துவது தொடர்பில் ஜனாதிபதிக்கும் இந்திய நிதி மற்றும் நிறுவன அலுவல்கள்அமைச்சர் நிர்மலா சீதா ராமனுக்கும் இடையில் இடம்பெற்ற சந்திப்பில் விரிவாக கலந்துரையாடப்பட்டதாக தெரிவிக்கப்படுகிறது.

மேலும், இலங்கைக்கு அதிகளவான இந்திய சுற்றுலாப் பயணிகளை வரவழைப்பது, விவசாய நவீனமயமாக்கல் மற்றும் நாட்டில் டிஜிட்டல் உட்கட்டமைப்பு மேம்பாடு குறித்தும் கலந்துரையாடப்பட்டுள்ளது.

ஜனாதிபதி அநுரகுமார திசாநாயக்க மற்றும் இந்திய வெளிவிவகார அமைச்சர் கலாநிதி எஸ்.ஜெய்சங்கர் இடையேயான சந்திப்பில், இலங்கையின் பொருளாதார மறுமலர்ச்சிக்கு இந்தியாவின் மிகப்பெரிய சந்தையை பயன்படுத்திக்கொள்வது குறித்தும் கவனம் செலுத்தப்பட்டது.

மீன்பிடித்துறை மற்றும் தேசிய ஒற்றுமை மேம்பாடு உள்ளிட்ட இருநாடுகளுக்கும் அன்னியோன்யமான விடயங்கள் குறித்தும் இதன்போது கவனம் செலுத்தப்பட்டது.

அதனையடுத்து இந்திய பாதுகாப்பு  ஆலோசகர் ஸ்ரீ அஜித் தோவால் (Shri Ajith Doval) ஜனாதிபதியை சந்தித்து வலயத்தின் பாதுகாப்பு குறித்து  கலந்துரையாடினார்.

இதற்கிடையில், இன்று ஜனாதிபதியை வரவேற்கும் உத்தியோகபூர்வ நிகழ்ச்சிக்குப் பிறகு, ராஜ்கோட்டில் உள்ள மகாத்மா காந்தி நினைவிடத்தில் அவர் மரியாதை செலுத்த உள்ளார்.

பின்னர் ஜனாதிபதி மற்றும் இந்திய பிரதமர் நரேந்திர மோடிக்கு இடையிலான கலந்துரையாடல் இடம்பெறவுள்ளது.

பிரதமரின் உத்தியோகபூர்வ இல்லமான ஹைதராபாத் இல்லத்தில் பேச்சுவார்த்தை நடத்த திட்டமிடப்பட்டுள்ளதுடன் அங்கு புரிந்துணர்வு ஒப்பந்தங்கள், இருதரப்பு கலந்துரையாடல்கள் மற்றும் கூட்டு ஊடக அறிக்கை வௌியீடு இடம்பெறவுள்ளது.

அத்துடன் ஜனாதிபதி மற்றும் இந்திய துணை ஜனாதிபதிக்கு இடையிலான சந்திப்பு இன்று பிற்பகல் நடைபெறவுள்ளதாக இந்திய ஊடகங்கள் செய்தி வெளியிட்டுள்ளன.

பின்னர் ஜனாதிபதி அநுரகுமார திஸாநாயக்கவிற்கும் இந்திய ஜனாதிபதி திரௌபதி முர்முவிற்கும் இடையிலான பேச்சுவார்த்தை ராஷ்டிரபதிபவனில் இடம்பெறவுள்ளது.

நாட்டில் குரங்குகள் தொகையை கட்டுப்படுத்த நடவடிக்கை எடுக்கப்படும் என விவசாய அமைச்சர் கே.டி. லால் காந்தா குறிப்பிடுகிறார்.

தீர்வு இல்லாமல் பிரச்சனைகள் மனிதனின் முன் வருவதில்லை என்று கூறிய அவர், இப்பிரச்னைக்கு ஏற்கனவே பல்வேறு திட்டங்கள் பரிசீலிக்கப்பட்டு வருவதாகவும் கூறினார்.

விவசாய நிலங்களில் இருந்து குரங்குகள் உள்ளிட்ட வன விலங்குகளை அகற்றுவதில் உறுதியாக உள்ளோம். விவசாயத்தை நிரந்தரமாக செய்யாமல் விவசாயத்தை பற்றி பேச முடியாது. யாருக்கும் சந்தேகம் வேண்டாம், எந்த சவால் வந்தாலும் தீர்ந்துவிடும், குரங்குகளை வெளி நாட்டுக்கு அனுப்புவது குறித்தும் பரிசீலித்து வருகிறோம். நம் நாட்டில் தீவுகள் உள்ளன. அந்தத் தீவுகளுக்கு சுற்றுலா சம்பந்தப்பட்ட வகையில் அனுப்புவது தொடர்பாக திட்டப் பிரேரணை தயாரிக்கப்பட்டு வருகிறது எனவே சுற்றுலாத் துறை, விவசாய வாழ்வு, பொதுவாழ்க்கை ஆகியவற்றைக் கருத்தில் கொண்டு இதற்கான பதிலைக் காண நிச்சயம் பாடுபடுவோம்.

இந்த நாட்டில் புதிய அரசியல் கலாசாரத்தை ஏற்படுத்துவதற்காகவே அரசாங்கம் மக்களின் ஆணையைப் பெற்றுள்ளதாக சுகாதார மற்றும் வெகுஜன ஊடக அமைச்சர் டொக்டர் நலிந்த ஜயதிஸ்ஸ தெரிவித்துள்ளார்.

இதனால் தான் சபாநாயகர் அசோக ரன்வல தனது ராஜினாமா கடிதத்தை கையளித்துள்ளார்.

அடுத்த சில நாட்களுக்குள் தனது தகுதிகளை உறுதி செய்வதாக வலியுறுத்திய அமைச்சர் ஜயதிஸ்ஸ, தற்போது அவ்வாறு செய்ய முடியாததால் தார்மீக ரீதியில் பதவி விலகியுள்ளார்.

இவ்வாறானதொரு அரசியல் பொறுப்புக்கூறல் வரலாற்றில் இடம்பெற்றதில்லை எனவும் அமைச்சர் நளிந்த ஜயதிஸ்ஸ மேலும் குறிப்பிடுகின்றார்.

வாய் பேச முடியாமல் மற்றும் தேர்தலுக்கு பணம் கொடுக்காத காரணத்தினாலேயே நாட்டின் தேங்காய் பிரச்சினை குரங்குகள் மீது சுமத்தப்படுவதாக மக்கள் போராட்டத்தின் வசந்த முதலிகே தெரிவித்துள்ளார்.

தேங்காய் ஏற்றுமதி மற்றும் மழை காரணமாக உற்பத்தி குறைவதால் நாட்டில் தேங்காய் பற்றாக்குறை ஏற்பட்டுள்ளதாக அவர் குறிப்பிட்டார்.

எனவே, சில பயிர் சேதம் ஏற்பட்டாலும், தென்னை பிரச்சினையை வெளியில் அனுப்புவதை அவர்கள் ஏற்றுக்கொள்ளவில்லை என வசந்த முதலிகே வலியுறுத்தினார்.

நாட்டிற்கு இதுவரை சுமார் 1.9 மில்லியன் சுற்றுலாப் பயணிகள் வந்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளது.

டிசம்பர் மாதத்தில் மட்டும் இதுவரை 90,000 சுற்றுலாப் பயணிகள் வருகை தந்துள்ளதாக இலங்கை சுற்றுலா அபிவிருத்தி அதிகார சபையின் தலைவர் புத்திக ஹேவாவசம் தெரிவித்துள்ளார்.

இந்த மாத இறுதிக்குள் மேலும் 250,000 சுற்றுலாப் பயணிகள் வருகை தருவார்கள் என இலங்கை சுற்றுலா அபிவிருத்தி அதிகார சபை எதிர்பார்ப்பதாகவும் அவர் நம்பிக்கை தெரிவித்தார்.

2024 ஆம் ஆண்டு இறுதிக்குள் 2.2 மில்லியன் சுற்றுலாப் பயணிகளின் வருகையை இலக்காகக் கொண்டு இலங்கை சுற்றுலா அபிவிருத்தி அதிகார சபை இலக்கு வைத்துள்ளதாகவும் அவர் மேலும் தெரிவித்தார்.

பாராளுமன்ற இணையத்தளத்தில் அனைத்து பாராளுமன்ற உறுப்பினர்களினதும் தரவுகளை மீள ஆராய்ந்து அவற்றைப் புதுப்பிப்பதற்கான நடவடிக்கைகள் தற்போது முன்னெடுக்கப்பட்டுள்ளதாக பாராளுமன்ற செயலாளர் அலுவலகம் தெரிவித்துள்ளது.

நீதி, தேசிய ஒருமைப்பாட்டு அமைச்சர் சட்டத்தரணி ஹர்ஷன நானாயக்காரவின் பெயருக்கு முன்னால் குறிப்பிடப்பட்டிருந்த கலாநிதிப் பட்டம் தொடர்பில் தௌிவுபடுத்தும் வகையில் அறிக்கையொன்றை வௌியிட்டு பாராளுமன்ற செயலாளர் அலுவலகம் இதனைக் குறிப்பிட்டுள்ளது.

அமைச்சரினால் பாராளுமன்றத்துக்கு வழங்கப்பட்ட தனது தகவல்கள் அடங்கிய படிவத்தில் கலாநிதிப் பட்டம் உள்ளடக்கப்பட்டிருக்கவில்லை என அந்த அறிக்கையில் தெரிவிக்கப்பட்டுள்ளது.

பாராளுமன்ற இணையத்தளத்தில் உறுப்பினர்களின் தகவல்களை உள்ளீடு செய்யும் போது ஏற்பட்ட தவறு காரணமாக அமைச்சர் சட்டத்தரணி ஹர்ஷன நானாயக்காரவின் பெயருக்கு முன்னால் கலாநிதி எனக் குறிப்பிடப்பட்டிருந்ததாக பாராளுமன்ற செயலாளர் அலுவலகம் வெளியிட்டுள்ள அறிக்கையில் தெரிவிக்கப்பட்டுள்ளது.

அந்த தவறு தற்போது நிவர்த்திக்கப்பட்டுள்ளதாகவும், இது தொடர்பில் நீதி மற்றும் தேசிய ஒருமைப்பாட்டு அமைச்சர் சட்டத்தரணி ஹர்ஷன நானாயக்காரவுக்கு ஏற்பட்ட அசௌகரியத்துக்கு வருத்தம் தெரிவிப்பதாகவும், பாராளுமன்ற செயலாளர் அலுவலகம் தெரிவித்துள்ளது.

இலங்கை தனது சர்வதேச முறிகள் மறுசீரமைப்பை வெற்றிகரமாக நிறைவு செய்துள்ளதாக நிதி அமைச்சு அறிவித்துள்ளது.

மிகவும் கடினமான மற்றும் சவால்மிக்க இறையாண்மை கடன் மறுசீரமைப்பை  முடிவுக்கு கொண்டுவந்ததன் மூலம் இலங்கை சர்வதேச முறிகள் முறுசீரமைப்பை வெற்றிகரமாக நிறைவு செய்துள்ளதாக நிதி அமைச்சு தெரிவித்துள்ளது.

நிதி திட்டமிடல் மற்றும் பொருளாதார அபிவிருத்தி அமைச்சு வெளியிட்டுள்ள அறிக்கையில் இந்த விடயம் குறிப்பிடப்பட்டுள்ளது.