மாநகர பொறியியல் திணைக்களத்தினால் நிலத்தடி குழாய்கள் அமைக்கும் பணியின் காரணமாக இன்று (05) முதல் மார்ச் (11) வரை பல வீதிகள் மூடப்படவுள்ளதாக பொலிஸார் தெரிவித்துள்ளனர்.

அதன்படி, உத்தரானந்த மாவத்தை, பெரஹெர மாவத்தை மற்றும் கொள்ளுப்பிட்டியில் உள்ள நவம் மாவத்தை மற்றும் கொம்பனிவீதி பொலிஸ் பிரிவுகள் நாளை முதல் மூடப்படவுள்ளன.

உத்தரானந்த மாவத்தையின் நவம் மாவத்தையிலிருந்து புகையிரத கடவை வரையிலான பகுதி இன்று (05) முதல் எதிர்வரும் (19) வரை மூடப்படவுள்ளது.

உத்தரானந்த மாவத்தை பெரஹெர மாவத்தையிலிருந்து நவம் மாவத்தை வரையிலான பகுதி எதிர்வரும் (20ஆம் திகதி) முதல் மார்ச் மாதம் (04ஆம் திகதி) வரை மூடப்படும்.

மார்ச் (05) முதல் மார்ச் (11) வரை உத்தரானந்த மாவத்தை, பெரஹெர மாவத்தை, ரொட்டுண்டா கார்டன் சந்தி மூடப்படும்.

கஞ்சாவை மருத்துவ தாவரமாக வளர்ப்பதற்கு முதலீட்டாளர்களை அழைப்பதற்கான சட்ட அதிகாரத்தை பெற்றுக்கொள்வது தொடர்பான அமைச்சரவை பத்திரத்தை இன்று (05) அமைச்சரவையில் சமர்பிக்க உள்நாட்டு மருத்துவ அமைச்சு ஏற்பாடுகளை செய்துள்ளது.

ஏற்றுமதிக்காக மட்டுமே மருத்துவ குணம் கொண்ட கஞ்சா சாகுபடியை சட்டப்பூர்வமாக்க வேண்டும்.

அவை மருந்து உற்பத்தி நோக்கங்களுக்காக மட்டுமே ஏற்றுமதி செய்யப்படுவதாக ஆயுர்வேத இராஜாங்க அமைச்சர் சிசிர ஜயக்கொடி தெரிவித்தார்.

முதலீட்டு வாரியத்திற்கு சொந்தமான நிலத்தில் இந்த கஞ்சா வளர்க்கப்பட உள்ளது.

மருத்துவ குணம் கொண்ட கஞ்சா சாகுபடிக்கு முதலீட்டாளர்களை அழைப்பது தொடர்பான சட்ட விதிமுறைகளை தயாரிப்பதற்கு ஆயுர்வேத திணைக்களத்திற்கு சட்டபூர்வ அதிகாரம் இல்லாததால், அதற்கான ஒப்புதலை பெறுவதற்கு அமைச்சரவையில் பத்திரம் சமர்ப்பிக்கப்படும் என்றும் அவர் குறிப்பிட்டார்.

கஞ்சா செய்கை தொடர்பில் பல முதலீட்டாளர்கள் வருகை தந்துள்ளதாகவும், அது தொடர்பான 90 சதவீத பணிகள் நிறைவடைந்துள்ளதாகவும் அமைச்சர் குறிப்பிட்டார்.

ஜனாதிபதி, முதலீட்டு ஊக்குவிப்பு அமைச்சர் மற்றும் உள்நாட்டு மருத்துவ அமைச்சு நேரடியாக ஈடுபட்டுள்ள சுகாதார அமைச்சு, ஏற்றுமதிக்கான மருத்துவ கஞ்சா  திட்டத்திற்கு முன்னர் அமைச்சரவையின் அங்கீகாரத்தைப் பெற்றிருந்தது.

ஜனாதிபதி ஊடக மையத்தில் நடைபெற்ற ஊடகவியலாளர் சந்திப்பில் அமைச்சர் இதனைத் தெரிவித்தார்.

தற்போது விளக்கமறியலில் உள்ள முன்னாள் சுகாதார அமைச்சர் கெஹலிய ரம்புக்வெல்ல, சுற்றாடல் அமைச்சர் பதவியில் இருந்து விலகத் தயாராகி வருவதாகத் தெரிவிக்கப்படுகிறது.

இது உறுதிப்படுத்தப்படாத செய்தியாகும். 

மேலும் சிறையில் உள்ள ஒருவரை அமைச்சரவையில் வைத்து பிரச்சனைகள் எழுந்துள்ளதால் இந்த நடவடிக்கை எடுக்கப்படும் என்றும் தெரியவருகிறது.

இதேவேளை, அரசாங்க நிதியை துஷ்பிரயோகம் செய்ததாக குற்றம் சுமத்தப்பட்டுள்ள ரம்புக்வெல்லவை அமைச்சரவை அமைச்சர் பதவியில் இருந்து உடனடியாக நீக்க வேண்டும் என மருத்துவ மற்றும் சிவில் உரிமைகளுக்கான வைத்தியர் சங்கங்களின் கூட்டமைப்பு கோருகிறது.

அவரை மேலும் அமைச்சரவையில் வைத்தால் எதிர்கால விசாரணைகளுக்கு இடையூறு ஏற்படலாம் எனவும் அவ்வாறான ஒருவரை அமைச்சரவையில் வைத்தால் சர்வதேச ரீதியிலும் இந்நாட்டு அமைச்சரவை மீது அதிருப்தி ஏற்படலாம் எனவும் அதன் தலைவர் கலாநிதி சமல் சஞ்சீவ தெரிவித்துள்ளார்.

இணையச் செயற்பாடுகள் தொடர்பான பாராளுமன்றத்தில் அண்மையில் நிறைவேற்றப்பட்ட 2024 ஆம் ஆண்டின் 09 ஆம் இலக்க ஆன்லைன் முறைகளின் பாதுகாப்புச் சட்டம் தற்போது நடைமுறையில் உள்ளது.

அதன் விதிமுறைகளின்படி, முன்னாள் காதலிகளின் புகைப்படங்களை வெளியிடுவது அல்லது யாரையாவது தேவையில்லாத பிரச்சனையில் சிக்க வைத்து 'கொடுமைப்படுத்துவது' 5 ஆண்டுகள் சிறைத்தண்டனை விதிக்கக்கூடிய குற்றமாகும்.

சட்டத்தின் பிரிவு 20 இதனை விவரிக்கிறது.

தென்னிந்திய நடிகர் விஜய் தனது அரசியல் கட்சியை அறிவித்து அதற்கு 'தமிழக வெற்றி கழகம்' என்று பெயரிட்டுள்ளார்.

தமிழக வெற்றி கழகம் தொடர்பிலான உத்தியோகபூர்வ அறிவிப்பை அவர் தனது டுவிட்டர் பதிவின் மூலம் வெளியிட்டுள்ளார்.

பல ஆண்டுகளாக விஜய் மக்கள் இயக்கமாக செயல்பட்டு வந்த நடிகர் விஜயின் ரசிகர் மன்றம் இன்று [02] தமிழத்தில் புதிய அரசியல் கட்சியாக மாற்றம் பெற்றுள்ளது.

தமிழக வெற்றி கழகம்

இந்தநிலையில், புதிய கட்சியை ஆரம்பிப்பது குறித்து விஜய் மக்கள் இயக்கத்தின் பொதுச் செயலாளர் புஸ்ஸி ஆனந்த் மக்கள் இயக்க நிர்வாகிகள் பலருடன் ஆலோசனை நடத்திருந்தார்.

அதன் அடிப்படையில் கட்சியின் தலைவராக விஜய் தற்போது தெரிவுசெய்யப்பட்டுள்ளார்.

அதன் அடிப்படையில் கட்சியின் தலைவராக விஜய் தற்போது தெரிவுசெய்யப்பட்டுள்ளார்.