பாராளுமன்றத்தில் இன்று (11) மீண்டும் விவாதிக்கப்படவுள்ள வற் வரி சட்டமூலத்திற்கு எதிராக ஸ்ரீலங்கா சுதந்திரக் கட்சி வாக்களிக்க தீர்மானித்தமை அக்கட்சியின் அமைச்சர் பதவிகளை வகிக்கும் உறுப்பினர்களுக்கு சிக்கலாகியுள்ளது.

ஆளும் கட்சியை பிரதிநிதித்துவப்படுத்துவதால் அரசாங்கம் கொண்டு வரும் சட்டமூலத்தை எதிர்க்க முடியாது எனவும் கட்சித் தலைமைக்கு அறிவித்துள்ளதாகவும் தெரிவிக்கப்படுகிறது.

ஆனால், நாடாளுமன்றத்தில் சமர்ப்பிக்கப்படவுள்ள வற் வரி திருத்தச் சட்டமூலத்திற்கு எதிராக வாக்களிப்பதே ஸ்ரீலங்கா சுதந்திரக் கட்சியின் நிலைப்பாடு என்பதை அக்கட்சி விடுத்துள்ள அறிக்கையில் குறிப்பிடப்பட்டுள்ளது.

எனினும் இந்த சட்டமூலத்தை ஆதரிப்பதா இல்லையா என்பது குறித்து இன்னும் தீர்மானிக்கப்படவில்லை என அமைச்சர் ஒருவர் தெரிவித்துள்ளார்.

அகில இலங்கை உணவகம் மற்றும் சிற்றுண்டி உரிமையாளர்கள் சங்கம் உணவின் விலை தொடர்பில் குறிப்பிட்டுள்ளது.

அதாவது மீண்டும் ஒருமுறை உணவகங்களில் சிற்றுண்டி உள்ளிட்ட இதர உணவுகளின் விலையை உயர்த்த வேண்டும் என கோரியுள்ளனர். 

முட்டை, இறைச்சி, மீன், சீனி மற்றும் கீரி சம்பா அரிசி போன்றவற்றின் விலைகள் அதிகரித்ததன் காரணமாகவே இந்த விலையை அதிகரிக்க தீர்மானித்துள்ளதாக அதன் தலைவர் ஹர்ஷன ருக்ஷான் தெரிவித்துள்ளார்.

எவ்வாறாயினும், உணவுப் பொருட்களின் விலைகள் எவ்வளவு அதிகரிக்கப்படும் என்பது குறித்து இறுதித் தீர்மானம் எடுக்கப்படவில்லை என அவர் மேலும் தெரிவித்தார்.

நாடு முழுவதும் மின்சாரத் தடை ஏற்பட்டுள்ளது.

மின்சாரக் கட்டமைப்பில் திடீரென ஏற்பட்ட கோளாறு காரணமாகவே மின்சாரம் துண்டிக்கப்பட்டுள்ளதாக இலங்கை மின்சார சபை தெரிவித்துள்ளது. 

.

புதிய கூட்டணியின் புத்தளம் மாவட்ட ஊக்குவிப்பு நடவடிக்கைகள் டிசம்பர் மாதம் முழுவதும் அதன் 5 தொகுதிகளிலும் அமுல்படுத்தப்பட்டுள்ளதாக ராஜகிரிய கட்சி அலுவலகம் தெரிவித்துள்ளது.

பாராளுமன்ற உறுப்பினர்களான நிமல் லான்சா மற்றும் பியங்கர ஜயரத்ன ஆகியோரின் தலைமையில் இந்த நடவடிக்கைகள் முன்னெடுக்கப்பட்டு வருவதாக தெரிவிக்கப்படுகின்றது.

பிரதேச பிரதிநிதிகள் நியமனம், இணைந்த அமைப்புக்கள் ஸ்தாபனம், பிக்கு அமைப்புக்கள், பெண்கள் அமைப்புக்கள் ஸ்தாபித்தல் போன்ற நிகழ்வுகள் மாதம் முழுவதும் நடைபெறவுள்ளதுடன், நிகழ்ச்சியை வழிநடத்த சிறிபால அமரசிங்க, சுகீஸ்வர பண்டார ஆகியோர் சென்றுள்ளனர்.

புத்தளம் பொஹொட்டுவ பிரதேசத்தில் உள்ள சிலர் இந்த வேலைத்திட்டத்தை உன்னிப்பாக அவதானித்து வருவதாகவும் கட்சி அலுவலகம் கூறுகிறது.

இதேவேளை,  சிலாபம் தொகுதியை மையமாக வைத்து இன்று பகல் முழுவதும் மாதம்பே கருக்குவ சுகதானந்த மகா வித்தியாலயத்தில் மாகாண சபையின் நடமாடும் சேவை நடைபெறுகிறது.

வடமேற்கு ஆளுநர் திரு.லக்ஷ்மன் யாப்பா அபேவர்தனவிடம் நிமல் லான்சா விடுத்த கோரிக்கையின் பிரகாரம் இது நடைபெறுகிறது.

புதிய கூட்டணிக்கு ஆதரவளிக்கும் அமைச்சர்களான நளின் பெர்னாண்டோ, மஹிந்த அமரவீர, லசந்த அழகியவன்ன, நிமல் லான்சா, பிரியங்கர ஜயரத்ன, சன்ன ஜயசுமண, துமிந்த திஸாநாயக்க உள்ளிட்டோர் தற்போதைய அரசியல் விவகாரங்கள் குறித்து நாடாளுமன்ற அரங்கில் பேசிக்கொண்டிருந்தனர்.

“இப்போது சஜபேவில் உள்ள அனைவரும் ஜனாதிபதி பாராளுமன்றத்தை கலைக்க முயற்சிக்கிறார் என்று பயப்படுகிறார்கள்,” என்று லசந்த கூறினார்.

“ஜனாதிபதி தேர்தல் வரப்போகிறது என்று சஜபேக்கு தெரியும், ஆனால் சஜித்துக்கு பயம், பாராளுமன்றத்தில் வாக்கு இருந்தால், சஜபேயில் உள்ள பெரும்பாலானவர்கள் யு.என்.பி.யின் கீழ் ஜனாதிபதிக்கு ஆதரவாக செல்வார்கள்,  பாதி பேர் அடுத்த முறை பாராளுமன்றம் வர மாட்டார்கள்" என்று சிரித்துக் கொண்டே கூறினார் நிமல் லான்சா.

துமிந்த திஸாநாயக்க, “லான்சா கூறியது போல், ஜனாதிபதி அலுவலகத்தில் அல்லது பாராளுமன்றத்தில் ஜனாதிபதியின் அறையில் ஏற்கனவே நிறைய சஜபே ஆக்கள் உள்ளனர்.

“ஆம்.. வரும் போது நாங்களும் பார்க்கின்றோம் ஆனால் ஜனாதிபதியை இரகசியமாக சந்தித்து விட்டு வெளியே வந்து அரசாங்கத்தை விமர்சிக்கின்றார்கள்” என அமரவீர தெரிவித்தார்.

“ஆமாம், அப்படியானால் அரசாங்கத்தை தாக்காதவர்கள் எப்படி எதிர்க்கட்சித் தலைவரிடமிருந்து தப்பிக்க முடியும்” என்றார் லான்சா.

“சஜித்துடன் பலர் நல்லுறவில் இல்லை” என சன்ன ஜயசுமனவும் உரையாடலில் கலந்துகொண்டார்.

“ஜனாதிபதி ஆவதற்கு முன், தன்னைச் சுற்றியுள்ள எம்.பி.க்களை எப்படி நடத்த வேண்டும் என்பதை சஜித் தெரிந்து கொள்ள வேண்டும், அது தெரியாமல் எப்படி ஜனாதிபதியாக இருக்க முடியும்” என நளின் பெர்னாண்டோ தெரிவித்துள்ளார்.

இங்கு இணைந்த பிரியங்கர எம்பி, "பொஹொட்டுவாவுக்கு ஒரு ஆண்டுவிழா இருக்கிறது, இல்லையா? சுகததாசவை நிரப்ப முயற்சி செய்கிறார்கள்" என்றார்.

ஹன்பாந்தோட்டை மக்கள் பலர் என்னிடம் பேசினர், அமைப்பாளர்கள் சிலர் கூட்டத்தை அழைத்து வர மாட்டோம் என நேரடியாகக் கூறினர் என அமரவீர தெரிவித்தார்.

எதிர்வரும் 15ஆம் திகதி ஏதாவது ஒன்றைச் சொல்லி மக்களை வற்புறுத்த முடியுமா என்று இந்தக் குழு தேடுகிறது என்றார் நளின்.