kumar
கொழும்பு டாலி வீதியிலுள்ள ஸ்ரீலங்கா சுதந்திரக் கட்சியின் தலைமை அலுவலகம் மூடப்பட்டுள்ளது.
தயாசிறி ஜயசேகரவை அப்பதவியில் இருந்து நீக்கியதால் அவருக்கு விசுவாசமான தரப்பினர் வந்து சில குழப்பங்களை ஏற்படுத்துவார்கள் எனவும், ஆவணங்கள் வெளியே செல்வதை தடுக்கும் வகையில் இந்த நடவடிக்கை எடுக்கப்பட்டுள்ளதாகவும் தெரிவிக்கப்படுகின்றது.
எவ்வாறாயினும் கட்சித் தலைவரின் தீர்மானத்தை சவாலுக்குட்படுத்தி இன்று (06) பிற்பகல் சட்டத்தரணி ஊடாக நீதிமன்றில் மனுவொன்றை சமர்ப்பிக்கவுள்ளதாக தயாசிறி ஜயசேகர தெரிவித்தார்.
மேல், சப்ரகமுவ மற்றும் வடமேல் மாகாணங்களிலும் கண்டி, நுவரெலியா, காலி மற்றும் மாத்தறை மாவட்டங்களிலும் அவ்வப்போது மழை பெய்யக் கூடிய சாத்தியம் காணப்படுகின்றது.
மன்னார் மாவட்டத்தில் சிறிதளவில் மழை பெய்யும் என எதிர்பார்க்கப்படுகின்றது.
மத்தியமலை நாட்டின் மேற்கு சரிவுப்பகுதிகளிலும் வடமேல், வடக்கு மற்றும் வடமத்திய மாகாணங்களிலும் திருகோணமலை மற்றும் ஹம்பாந்தோட்டை மாவட்டங்களிலும் அவ்வப்போது மணித்தியாலத்துக்கு 40-45 கிலோ மீற்றர்வரையான வேகத்தில் ஓரளவு பலத்த காற்று வீசக்கூடும் என எதிர்பார்க்கப்படுகின்றது.
சூரியனின் தொடர்பான தென்திசை நோக்கிய இயக்கத்தின் காரணமாக,இவ்வருடம் ஓகஸ்ட் மாதம் 28ஆம் திகதியிலிருந்து செப்டம்பர் மாதம்07ஆம் திகதி வரை இலங்கையின் அகலாங்குகளுக்கு நேராக உச்சம் கொடுக்கவுள்ளது. அதற்கிணங்க இன்று(06ஆம் திகதி) நண்பகல் 12.09 அளவில் மக்கோன, பதுரெலிய, கொடகவெல, கித்துள்கோட்டே மற்றும் மீகஹவெரலிய ஆகிய பிரதேசங்களுக்கு மேலாக சூரியன் உச்சம் கொடுக்கவுள்ளது.
சிங்கள பௌத்த தலைவரை நியமிப்பதற்காக ஒன்பது முஸ்லிம் தீவிரவாதிகள் ஏன் உயிர் தியாகம் செய்வார்கள் என முன்னாள் அமைச்சர் மஹிந்தானந்த அளுத்கமகே கேள்வி எழுப்பியுள்ளார்.
ஈஸ்டர் தாக்குதல் தொடர்பான காணொளியை சனல் 04 வெளியிட்டமை தொடர்பில் இன்று (05) பாராளுமன்றத்தில் கருத்து தெரிவிக்கும் போதே அவர் இவ்வாறு குறிப்பிட்டுள்ளார்.
இந்தத் தாக்குதலுக்கு முன்னர் பொதுஜன பெரமுன ஜனாதிபதித் தேர்தலில் வெற்றியீட்டுவதற்கு அடித்தளமிட்டதாகவும், 2018 உள்ளூராட்சி சபைத் தேர்தலில் அக்கட்சி 80% க்கும் அதிகமான வெற்றியைப் பெற்றதாகவும் முன்னாள் அமைச்சர் கூறுகிறார்.
சனல் 04 க்கு இந்த தகவலை வழங்கியவர் சுவிட்சர்லாந்திற்கு தப்பிச் சென்று அரசியல் தஞ்சம் கோரிய அதிதீவிர ஊழல்வாதி எனவும் அவர் குறிப்பிடுகின்றார்.
2017 ரூ. 2018-2020 இல் அவரது கணக்கில் 6000. 700 இலட்சம் பாய்ந்துள்ளதாகவும் தெஹிவளையில் ஒரு வீட்டை விற்றதன் மூலம் 500 இலட்சமும் வாகனம் விற்றதன் மூலம் 140 இலட்சமும் சம்பாதித்துள்ளதாகவும் அவர் வெளிப்படுத்துகிறார்.
அத்துடன், குறித்த சம்பவம் இடம்பெற்ற போது சுரேஸ் சாலி இலங்கையில் இல்லை எனவும் அவர் மலேசியாவில் வசித்து வந்ததாகவும் மஹிந்தானந்த அளுத்கமகே சுட்டிக்காட்டியுள்ளார்.
எனவே இவ்வாறான பொய்ப் பிரசாரங்களை மேற்கொண்டு நாட்டை சீர்குலைக்கும் நோக்கில் செயற்படும் குழுவிற்கு எதிராக அதிகபட்ச தண்டனை வழங்கப்பட வேண்டுமென அவர் வலியுறுத்துகின்றார்.
2019 ஆம் ஆண்டு ஏப்ரல் மாதம் 21 ஆம் திகதி இடம்பெற்ற தாக்குதல் சம்பவம் தொடர்பில் சனல் 4 வெளியிட்ட தகவல்களை தாம் பெரிதும் ஏற்றுக்கொள்வதாக முன்னாள் பாராளுமன்ற உறுப்பினர் மேர்வின் சில்வா தெரிவித்துள்ளார்.
நேற்று (05) இடம்பெற்ற ஊடகவியலாளர் சந்திப்பில் கலந்துகொண்டு கருத்துத் தெரிவித்த அவர், ஈஸ்டர் தின தாக்குதலுக்கு ராஜபக்சவே காரணம் எனத் தெரிவித்தார்.
அங்கும் அவர் பின்வருமாறு கருத்துத் தெரிவித்தார்.
“ஈஸ்டர் தாக்குதல் குறித்து புலனாய்வுப் பிரிவினரால் அறிவிப்பு வெளியிடப்பட்டது.. இந்தியாவும் இதுபற்றி டிப்ஸ் கொடுத்தது.. அது கொடுக்கப்பட்டபோது, நாட்டின் அரச தலைவர் மைத்திரிபால சிறிசேனவுக்கு இது தெரிந்திருக்க வேண்டும்.. அவர் தெரிந்துகொள்ள வேண்டும்.. முன்னாள் எதிர்க்கட்சியான ராஜபக்சே தெரிந்திருக்க வேண்டும்.. மேல்மட்ட அரசியல்வாதிகள் தெரிந்திருக்க வேண்டும்.. அந்த சதி தான், இந்த பெரிய அழிவு. ஒரு கோமாளித்தனமாக நசுக்கப்பட்டது, இது நடக்காது என்பதில் சந்தேகம் இருக்கிறது.. இது ஒரு பெரிய சதி. மைத்ரிபால சிறிசேனாவுக்கு முதுகெலும்பில்லாததால் நடந்த சதி.. ராஜபக்சே ஆட்சியை பிடிக்கும் அவசியத்துக்காக நடந்த சதி.. கர்தினால் சொல்வது சரிதான்.. நான் அவரை மதிக்கிறேன்.. இதற்கு முக்கிய அரசியல் வாதிகளுடன் பெரிய தொடர்பு உள்ளது. இந்த அதிகாரத்தை கைப்பற்ற ராஜபக்சக்கள் தெரிந்தே இந்த அழிவை செய்தார்களா? மற்றவர்கள் தூண்டினார்களா? யாரும் இல்லை என்று சொல்ல முடியாது.
சனல் 4 ஐ உயர்வாக ஏற்றுக்கொள்கிறேன்.. சில ஊடகங்கள் இதை சாதாரணமாக எடுத்துக் கொள்கின்றன.. இது ஒரு பெரிய பிரச்சனை.. இரண்டு அப்பாக்களையும், சாலி என்ற பாதுகாப்புத் தலைவரையும் நான் டிவியில் பார்த்தேன். தவறு செய்திருந்தால் ஏற்றுக்கொள்ளுங்கள். தவறு.. இதற்கு அஞ்சும் ஆள் நான் இல்லை.. அன்றைய அரச தலைவர்கள் ராஜபக்சே தான் இதற்கு பொறுப்பு.. என்றார்.
மேல், சப்ரகமுவ, வடமேல் மாகாணங்களிலும் கண்டி, நுவரெலியா, காலி மற்றும் மாத்தறை மாவட்டங்களின் பல பகுதிகளிலும் மழை அல்லது இடியுடன் கூடிய மழை பெய்யக்கூடும் என வளிமண்டலவியல் திணைக்களம் எதிர்வுகூறியுள்ளது.
மத்திய மலைநாட்டின் மேற்கு சரிவுகளிலும் வடமேல், வடக்கு மற்றும் வடமத்திய மாகாணங்களிலும் திருகோணமலை மற்றும் ஹம்பாந்தோட்டை மாவட்டங்களிலும் பலத்த காற்று வீசக்கூடும் என எதிர்வுகூறப்பட்டுள்ளது.
இதேவேளை, நிலவும் பலத்த மழையுடன் கூடிய வானிலையால் 05 மாவட்டங்களுக்கு விடுக்கப்பட்ட மண்சரிவு அபாய எச்சரிக்கை மேலும் நீடிக்கப்பட்டுள்ளது.
இரத்தினபுரி, களுத்துறை, காலி, கேகாலை மற்றும் கண்டி மாவட்டங்களுக்கு மண்சரிவு அபாய எச்சரிக்கை விடுக்கப்பட்டுள்ளது.
களுத்துறை மாவட்டத்தின் இங்கிரிய மற்றும் புலத்சிங்கள பிரதேச செயலாளர் பிரிவிற்கும் கேகாலை மாவட்டத்தின் வரக்காபொல பிரதேச செயலாளர் பிரிவிற்கும் இரத்தினபுரி மாவட்டத்தின் எஹலியகொட, குருவிட்ட மற்றும் இரத்தினபுரி பிரதேச செயலாளர் பிரிவுகளுக்கும் இரண்டாம் கட்ட மண்சரிவு அபாய எச்சரிக்கை விடுக்கப்பட்டுள்ளது.
காலி மாவட்டத்தின் பத்தேகம, நாகொட, எல்பிட்டிய பிரதேச செயலாளர் பிரிவுகளுக்கும் கண்டி மாவட்டத்தின் உடபலாத்த பிரதேச செயலாளர் பிரிவிற்கும் களுத்துறை மாவட்டத்தின் வலல்லாவிட்ட, மத்துகம, பாலிந்தநுவர பிரதேச செயலாளர் பிரிவுகளுக்கும் முதலாம் கட்ட மண்சரிவு அபாய எச்சரிக்கை பிறப்பிக்கப்பட்டுள்ளது.
அத்துடன், கேகாலை மாவட்டத்தின் யட்டியாந்தோட்டை, புலத்கொஹூபிட்டி, தெஹிஓவிட்ட, தெரணியகல, ருவன்வெல்ல மற்றும்
இரத்தினபுரி மாவட்டத்தின் கிரியெல்ல, கலவான, அயகம பிரதேச செயலாளர் பிரிவுகளுக்கும் முதலாம் கட்ட மண்சரிவு அபாய எச்சரிக்கை விடுக்கப்பட்டுள்ளது.
வெளியான உயர்தர பரீட்சை பெறுபேகளின் அடிப்படையில் நாடளாவிய ரீதியில் முதலிடம் பிடித்த மாணவர்கள் விபரம் வெளியாகி உள்ளது.
காலி ரிச்மண்ட் கல்லூரி மாணவனான சமுதிதா நயனப்ரியா பொறியியல் தொழில்நுட்பப் பிரிவில் நாடளாவிய ரீதியில் முதலாம் இடத்தைப் பெற்றுள்ளார்.
கொழும்பு சிறிமாவோ மகளிர் கல்லூரி மாணவி தில்சராணி தருஷிகா வர்த்தகப் பிரிவில் நாடளாவிய ரீதியில் முதலாம் இடத்தைப் பெற்றுள்ளார்.
மாத்தறை சுஜாதா வித்தியாலய மாணவி பிரமுதி பஷானி முனசிங்க உயிரியல் பிரிவில் முதலிடத்தைப் பெற்றுள்ளார்.
கொழும்பு றோயல் கல்லூரி மாணவன் கோனதுவகே மனெத் பானுல பெரேரா பௌதீகவியல் பிரிவில் முதலாம் இடத்தைப் பெற்றுள்ளார்.
இன்று(04) நள்ளிரவு முதல் அமுலாகும் வகையில் சமையல் எரிவாயுவின் விலை அதிகரிக்கப்படும் என லிட்ரோ நிறுவனம் அறிவித்துள்ளது.
அதற்கிணங்க,12.5 கிலோகிராம் சமையல் எரிவாயுவின் விலை 145 ரூபாவினால் அதிகரிக்கப்படவுள்ளது. (புதிய விலை 3,127 ரூபா)
5 கிலோகிராம் சமையல் எரிவாயுவின் விலை 58 ரூபாவினால் அதிகரிக்கப்படவுள்ளதுடன், அதன் புதிய விலை 1,256 ரூபாவாகும்.
2.3 கிலோகிராம் சமையல் எரிவாயு 26 ரூபாவினால் அதிகரிக்கப்பட்டு, 587 ரூபாவிற்கு விற்பனை செய்யப்படவுள்ளதாக லிட்ரோ நிறுவனம் குறிப்பிட்டுள்ளது.
எதிர்க்கட்சித் தலைவர் சஜித் பிரேமதாச தலைமையில் உருவாக்கப்படவுள்ள புதிய அரசியல் கூட்டமைப்பில் இணைவதற்கு நாடாளுமன்ற உறுப்பினர் டலஸ் அழகப்பெரும குழுவினர் இறுதி இணக்கப்பாட்டுக்கு வரவில்லை எனத் தெரிவிக்கப்படுகிறது.
எவ்வாறாயினும், அந்தக் குழு வந்தாலும் இல்லாவிட்டாலும், புதிய அரசியல் கூட்டணியை அமைப்பதில் சமகி ஜன பலவேக கட்சி உறுதியான நிலையில் உள்ளது.
டலஸ் அழகப்பெருமவுடன் இருக்கும் 13 பாராளுமன்ற உறுப்பினர்களில் 09 பேர் தமது கட்சியுடன் இருப்பதாக சஜித் தரப்பினர் குறிப்பிடுகின்றனர்.
ஸ்ரீ லங்கா சுதந்திரக் கட்சியின் தலைவரும் முன்னாள் ஜனாதிபதியுமான மைத்திரிபால சிறிசேனவின் 72ஆவது பிறந்த தினம் இன்று அனுஷ்டிக்கப்படுகிறது நிலையில், முன்னாள் ஜனாதிபதி மஹிந்த ராஜபக்ஷ அவருக்கு வாழ்த்து தெரிவித்துள்ளதாக தெரிவிக்கப்படுகின்றது.
இதேவேளை, ஸ்ரீலங்கா சுதந்திரக் கட்சியின் 72ஆவது ஆண்டு நிறைவு விழா இன்று அனுஷ்டிக்கப்படுகிறது.
கட்சியின் பொதுச் செயலாளர் தயாசிறி ஜயசேகரவின் ஆசனமான ஹெட்டிபொலவில் ஆண்டு நிறைவு விழா நடத்த திட்டமிடப்பட்டு, அழைப்பு அட்டைகள் விநியோகிக்கப்பட்டதும், அது திடீரென கொழும்புக்கு கொண்டுவரப்பட்டது.
இதேவேளை, நீண்டகாலமாக மைத்திரிபால சிறிசேனவுடன் முரண்பட்ட முன்னாள் ஜனாதிபதி சந்திரிகா குமாரதுங்கவும் இவ்வருட ஆண்டு நிறைவு நிகழ்வில் கலந்து கொள்ளவுள்ளதோடு, சிறிது காலம் கட்சியின் தலைவர் பதவியை வகித்த மஹிந்த ராஜபக்ஷவிற்கு அழைப்பு விடுக்கப்படவில்லை.
நாட்டில் உள்ள வைத்தியசாலைகளில் தற்போது 77 வகையான மருந்துகளுக்கு தட்டுப்பாடு நிலவுவதாக சுகாதார அமைச்சு தெரிவித்துள்ளது.
அவசர கொள்வனவின் கீழ் 400 வகையான மருந்துகள் கொள்வனவு செய்யப்பட்டு, வைத்தியசாலைகளுக்கு விநியோகிக்கப்பட்டுள்ளதாக சுகாதார அமைச்சு தெரிவித்துள்ளது.
இந்திய கடன் திட்டங்களின் கீழ் பெறப்பட்ட 378 வகையான மருந்துகள் இதுவரை வைத்தியசாலைகளுக்கு விநியோகிக்கப்பட்டுள்ளதாக அமைச்சின் மேலதிக செயலாளர் டொக்டர் சமன் ரத்நாயக்க தெரிவித்தார்.
கடந்த வருடம் உலக வங்கியின் உதவியுடன் 23 மில்லியன் டொலர் பெறுமதியான மருந்துகள் இலங்கைக்கு இறக்குமதி செய்யப்பட்டுள்ளன.
ஆசிய அபிவிருத்தி வங்கியின் உதவியுடன் 46.7 மில்லியன் டொலர் பெறுமதியான மருந்துகள் இலங்கைக்கு இறக்குமதி செய்யப்பட்டுள்ளதாக சுகாதார அமைச்சு தெரிவித்துள்ளது.