kumar
கைது செய்யப்பட்டுள்ள முன்னாள் ஜனாதிபதி ரணில் விக்ரமசிங்கவை உடனடியாக விடுவிக்குமாறு நோர்வேயின் முன்னாள் காலநிலை மற்றும் சுற்றுச்சூழல் அமைச்சர் எரிக் சொல்ஹெய்ம் கோரிக்கை விடுத்துள்ளார்.
தனது X தளத்தில் பதிவொன்றை வைத்து அவர் இதனை தெரிவித்துள்ளார்.
குறித்த பதிவில், “ நான் இலங்கையிலும் தென் ஆசியாவிலும், உலகம் முழுவதும் உள்ள தலைவர்களுடன் இணைந்து, இலங்கையின் முன்னாள் ஜனாதிபதி ரணில் விக்ரமசிங்கவை உடனடியாக விடுவிக்குமாறு கோருகிறேன்.
2022ஆம் ஆண்டு இலங்கை பொருளாதார, அரசியல் ரீதியாக மிகக் கடுமையான நெருக்கடியில் சிக்கியபோது நாட்டை காப்பாற்ற முன்வந்தவர் ரணில் தான்.
ரணில் மீது சுமத்தப்பட்டுள்ள குற்றச்சாட்டுகள் எந்த அடிப்படையும் அற்றவையாகும். அவை உண்மையெனக் கூட கருதினாலும், ஐரோப்பாவில் அவை குற்றமாகவும் கூடாது, ஏற்றுக்கொள்ள முடியாத நடத்தையாகவும் கருதப்படாது.
இலங்கை அரசாங்கத்தின் ஊழல் எதிர்ப்பு முயற்சிக்கு நான் முழுமையாக ஆதரிக்கிறேன். ஆனால், தயவு செய்து உண்மையான பிரச்சினைகளில் கவனம் செலுத்துங்கள்” என தெரிவிக்கப்பட்டுள்ளது.
சண்டே லீடர் பத்திரிகையின் ஆசிரியரும் மூத்த பத்திரிகையாளருமான லசந்த விக்ரமதுங்கவின் கொலை மற்றும் பத்திரிகையாளர் கீத் நொயர் மீதான தாக்குதல் தொடர்பான விசாரணைகள் முடிவடைந்துள்ளதாக பொது பாதுகாப்பு அமைச்சர் ஆனந்த விஜேபால நாடாளுமன்றத்தில் தெரிவித்தார்.
அதன்படி, பொறுப்பானவர்களுக்கு எதிராக குற்றப்பத்திரிகை தாக்கல் செய்ய சட்டமா அதிபருக்கு கோப்புகள் அனுப்பப்பட்டுள்ளதாகவும், காலத்தின் மணலில் காணாமல் போன அந்த சம்பவங்கள் குறித்து மீண்டும் விசாரணை நடத்தத் தொடங்கியதே தற்போதைய அரசாங்கம் என்றும் அமைச்சர் கூறினார்.
பத்திரிகையாளர் பிரகீத் எக்னலிகோடா காணாமல் போனது குறித்து மூன்று நீதிபதிகள் கொண்ட உயர் நீதிமன்றம் தற்போது விசாரித்து வருவதாகவும், சாட்சிகளை பாதித்த ஒரு மூத்த இராணுவ அதிகாரி காவலில் வைக்கப்பட்டுள்ளதாக அவர் கூறினார்.
அதன்படி, அந்த சம்பவங்களில் தொடர்புடைய முன்னாள் சக்திவாய்ந்த நபர் ஒருவர் எதிர்காலத்தில் கைது செய்யப்பட்டு நீதிமன்றத்தில் ஆஜர்படுத்தப்பட உள்ளதாக தெரிவிக்கப்படுகிறது.
பொரலஸ்கமுவ, மாலனி புலத்சிங்கள மாவத்தையில் இன்று (24) அதிகாலை இடம்பெற்ற துப்பாக்கிச் சூட்டில் இளைஞர் ஒருவர் உயிரிழந்துள்ளார்.
நள்ளரவு கடந்து 12.30 மணியளவில் இந்த துப்பாக்கிச் சூடு இடம்பெற்றுள்ளதாக பொலிஸார் தெரிவித்தனர்.
இச்சம்பவத்தில் கல்கிஸ்ஸை பகுதியைச் சேர்ந்த 21 வயதான ‘சொப்சி மல்லி’ என அழைக்கப்படும் ஷெஹான் துலான் பெரேரா எனும் முச்சக்கர வண்டி சாரதி உயிரிழந்துள்ளதாக தெரிவிக்கப்படுகின்றது.
இதில் காயமடைந்த மற்றொருவர் வைத்தியசாலையில் அனுமதிக்கப்பட்டுள்ளார். 28 வயதான குறித்த நபரும் முச்சக்கர வண்டி சாரதி என்பதோடு, அவரது கைவிரல்கள் இரண்டில் காயம் ஏற்பட்டுள்ளதாக தெரிவிக்கப்படுகின்றது.
மரணமடைந்த இளைஞன் உள்ளிட்ட 9 பேர் பொரலஸ்கமுவ பரலெஸ் மைதானத்தில் நேற்றிரவு இடம்பெற்ற இசை நிகழ்ச்சியைப் பார்த்துவிட்டு மாலனி புளத்சிங்கள வீதியில் நடந்து சென்று கொண்டிருந்தபோது, முச்சக்கர வண்டியில் வந்த இருவர் இவ்வாறு குறித்த நபரை இலக்குவைத்து துப்பாக்கிச் சூடு மேற்கொண்டுள்ளார்.
இசை நிகழ்ச்சியின் போது ஏற்பட்ட வாக்குவாதத்தின் காரணமாக இத்துப்பாக்கிச் சூடு நடந்திருக்கலாமென பொலிஸாரின் ஆரம்ப கட்ட விசாரணையில் தெரிய வந்துள்ளது.
திட்டமிட்ட குற்றச் செயல்களை புரியும் போதைப்பொருள் சந்தேகநபரான, தற்போது வெளிநாட்டிற்கு தப்பிச் சென்றுள்ள ‘படோவிட்ட அசங்க’ என்பவருக்கு நெருக்கமான ஹர்ஷ கொட்டா என்பவருடன் ஏற்பட்ட பிரச்சினையே இவ்வாறு நேற்று மீண்டும் எழுந்துள்ளதாக தெரிவிக்கப்படுகின்றது.
முச்சக்கர வண்டி சாரதியான மரணமடைந்த இளைஞர் எவ்வித குற்றச் செயல்களுடனும் தொடர்புட்டவர் அல்ல எனவும், திட்டமிட்ட குற்றச் செயல்களுடன் தொடர்புடைய சந்தேகநபரான ‘கொஸ் மல்லி’ என்பவரின் உறவினருடன் நெருக்கமானவரின் மகன் எனவும் தெரிவிக்கப்படுகின்றது.
துப்பாக்கிச் சூடு நடத்த கைத்துப்பாக்கி பயன்படுத்தப்பட்டிருப்பதாக தெரிவித்த பொலிசார், பல முறை துப்பாக்கிச் சூடு மேற்கொள்ளப்பட்டுள்ளதாக தெரிவித்தனர்.
சம்பவம் தொடர்பாக இதுவரை யாரும் கைது செய்யப்படவில்லை என்பதோடு, பொரலஸ்கமுவ பொலிஸார் விசாரணைகளை மேற்கொண்டு வருகின்றனர்.
நுகேகொடை பிரிவுக்குப் பொறுப்பான சிரேஷ்ட பொலிஸ் அத்தியட்சகல் மங்கள தெஹிதெனியவின் மேற்பார்வையின் கீழ், பொரலஸ்கமுவ பொலிஸார் விசாரணைகளை மேற்கொண்டு வருகின்றனர்.
கொழும்பு தேர்ஸ்டன் கல்லூரி 75வது ஆண்டு நிறைவைக் கொண்டாடும் ‘நைட்-ரோ 2025’ பிரமாண்ட கண்காட்சி!
August 23, 2025கொழும்பு தேர்ஸ்டன் கல்லூரி தனது 75வது ஆண்டு நிறைவைக் கொண்டாடும் வகையில் ‘நைட்-ரோ 2025’ என்ற தலைப்பில் ஒரு பிரமாண்டமான கல்வி கண்காட்சியை ஏற்பாடு செய்துள்ளது.
நவீன உலகிற்கு ஏற்ற எதிர்கால பிராஜைகளை உருவாக்குவதை நோக்கமாகக் கொண்ட இந்த கண்காட்சி ஆகஸ்ட் 28 முதல் 30 வரை கல்லூரி வளாகத்தில் நடைபெறும்.
பாடசாலை மாணவர்களிடையே 21 ஆம் நூற்றாண்டின் திறன்களை வளர்ப்பதை நோக்கமாகக் கொண்ட புத்தகங்களுக்கு மட்டும் மட்டுப்படுத்தப்படாத கல்வியின் முக்கியத்துவத்தை இந்தக் கண்காட்சி வலியுறுத்துகிறது.
தொழில்நுட்ப மண்டலம் (ரோபாட்டிக்ஸ், செயற்கை நுண்ணறிவு, பொறியியல் திட்டங்கள், மெய்நிகர் யதார்த்தம்) இங்கு மையமாக உள்ளது. மேலும் கலை மற்றும் கலாச்சாரம், சுற்றுச்சூழல் நிலைத்தன்மை, தகவல் தொடர்பு, விளையாட்டு மற்றும் வணிகம் போன்ற பல்வேறு துறைகளை உள்ளடக்கியது.
100க்கும் மேற்பட்ட மாணவர்களால் நடத்தப்படும் அரங்குகள், பொது மற்றும் தனியார் துறை நிறுவனங்களின் 100 அரங்குகள் கண்காட்சி முழுவதும் காட்சிப்படுத்தப்படும். பல்கலைக்கழகங்கள், தொழில்கள், அரசு நிறுவனங்கள் மற்றும் நாடு முழுவதும் உள்ள பாடசாலைகளின் பங்கேற்புடன், இது இலங்கையில் மிகப்பெரிய கல்வி கண்காட்சிகளில் ஒன்றாக மாற உள்ளது.
மாணவர்கள் படைப்பு சிந்தனை, சிக்கல் தீர்க்கும் திறன், குழு தலைமைத்துவம் மற்றும் பயனுள்ள தகவல் தொடர்பு ஆகியவற்றைப் பயிற்சி செய்ய இது ஒரு சிறந்த வாய்ப்பாகும். வேகமாக மாறிவரும் உலகில் வெற்றிபெறக்கூடிய எதிர்காலத்திற்குத் தயாராக உள்ள பிராஜைகளை வளர்ப்பதை தேர்ஸ்டன் கல்லூரி நோக்கமாகக் கொண்டுள்ளது.
முன்னாள் ஜனாதிபதி ரணில் விக்கிரமசிங்கவை அவசர சிகிச்சைப் பிரிவில் இருந்து தீவிர சிகிச்சைப் பிரிவுக்கு மாற்ற மருத்துவர்கள் பரிந்துரைத்துள்ளதாக கொழும்பு தேசிய மருத்துவமனையின் பிரதி பணிப்பாளர் வைத்தியர் ருக்ஷான் பெல்லன தெரிவித்துள்ளார்.
வெலிக்கடை சிறைச்சாலை வைத்திய பிரிவில் இருந்து கொழும்பு தேசிய வைத்தியசாலைக்கு ரணில் இன்று பிற்பகல் மாற்றப்பட்டார்.
பயங்கரவாதத் தடுப்புச் சட்டத்தை ரத்து செய்வதற்கான வரைவுச் சட்டம் செப்டம்பர் மாத தொடக்கத்தில் வர்த்தமானியில் வெளியிடப்படும் என்று வெளியுறவு அமைச்சர் விஜித ஹேரத் கூறுகிறார்.
“பயங்கரவாதத் தடுப்புச் சட்டத்தை ரத்து செய்வது என்பது எங்கள் கொள்கை அறிக்கையில் தெளிவாகக் கூறப்பட்டுள்ளது. பயங்கரவாதத் தடுப்புச் சட்டத்தை ரத்து செய்வதற்கான வரைவுச் சட்டத்தை செப்டம்பர் மாத தொடக்கத்தில் வர்த்தமானியில் வெளியிட நடவடிக்கை எடுப்போம்.”
22 ஆம் திகதி நாடாளுமன்றத்தில் உரையாற்றும் போது அவர் இந்தக் கருத்தை வெளியிட்டார்.
விவசாயம், கால்நடை, நிலம் மற்றும் நீர்ப்பாசன அமைச்சு பயிர் இடர் மேலாண்மை செயல்முறையை நெறிப்படுத்தவும், பயிர் சாகுபடிக்கான காப்பீட்டுத் திட்டத்தை அறிமுகப்படுத்தவும் நடவடிக்கை எடுத்துள்ளது.
சோளம், பச்சைப்பயறு, தட்டைப்பயறு, வேர்க்கடலை, குரக்கன், எள் மற்றும் கொள்ளு போன்ற வயல் பயிர்களுக்கு இந்த மானிய காப்பீட்டுத் திட்டத்தை அறிமுகப்படுத்த முடிவு செய்யப்பட்டுள்ளது.
இந்தத் திட்டத்தின்படி, விவசாயிகள் தங்கள் தட்டைப்பயறு சாகுபடியை ஏக்கருக்கு ரூ.4,200க்கு காப்பீடு செய்யும்போது, இயற்கை பேரழிவுகள், நோய்கள் மற்றும் பூச்சிகள், பூச்சிகள் மற்றும் காட்டு யானைகளால் அந்த சாகுபடிக்கு ஏற்படும் சேதத்திற்கு ஏக்கருக்கு ரூ.60,000 காப்பீட்டு இழப்பீடு வழங்கப்படும்.
கூடுதலாக, பச்சைப்பயறு பயிரிடும் விவசாயிகள் தங்கள் சாகுபடியில் ஒரு ஏக்கரை ரூ.5,600க்கு காப்பீடு செய்தால், சேதம் ஏற்பட்டால் ஏக்கருக்கு ரூ.80,000 இழப்பீடு பெற முடியும் என்று அமைச்சகம் முடிவு செய்துள்ளது.
காட்டு யானைகள் அச்சுறுத்தலாக இருக்கும் மாவட்டங்களில் பயிர்களுக்கு ஏற்படும் சேதங்களுக்கு இழப்பீடு வழங்க இந்த சலுகை காப்பீட்டுத் திட்டம் தொடங்கப்படுகிறது.
முன்னாள் ஜனாதிபதி ரணில் விக்கிரமசிங்கவை ஓகஸ்ட் 26 ஆம் திகதி வரை விளக்கமறியலில் வைக்க கோட்டை நீதவான் உத்தரவிட்டுள்ளார்.
ரணிலின் பிணை மனு மீதான விசாரணை அரை மணி நேரத்திற்கு பிற்போடப்பட்டது . ரணிலுக்கு பிணை வழங்குவதை சட்ட மா அதிபர் திணைக்களம் கடுமையாக ஆட்சேபிக்கிறது.
முன்னதாக பிணை வழங்கப்பட்டதாக கூறப்பட்டாலும் அது தொடர்பான நீதிமன்ற இறுதித் தீர்ப்பு இன்னும் வரவில்லை.
கைது செய்யப்பட்ட ரணில் விக்ரமசிங்கவை பிணையில் விடுவிக்க கோட்டை நீதவான் நீதிமன்றம் உத்தரவிட்டுள்ளது.
ஜனாதிபதியாக இருந்தபோது லண்டன் பயணத்திற்காக அரச நிதியைப் பயன்படுத்திய வழக்கில் குற்றப் புலனாய்வுத் துறையினரால் ரணில் விக்ரமசிங்க இன்று (22) பிற்பகல் கைது செய்யப்பட்டார்.