உள்ளூராட்சி மன்றத் தேர்தலை அடுத்த வருட ஆரம்பத்தில் நடத்துவதற்கான ஏற்பாடுகள் நடைபெற்று வருவதாகத் தெரிவிக்கப்படுகிறது.

அதன்படி, அரசியல் கட்சிகளில் பல்வேறு மாற்றங்களைச் செய்வது குறித்து ஏற்கனவே ஆலோசிக்கப்பட்டுள்ளதாக அரசியல் வட்டாரங்கள் தெரிவிக்கின்றன.

ஶ்ரீலங்கா பொதுஜன பெரமுனவின் பெரும்பான்மையான அமைச்சர்களும் மற்றுமொரு பாராளுமன்ற உறுப்பினர்கள் குழுவும் ஜனாதிபதி ரணில் விக்கிரமசிங்கவிற்கு ஆதரவளிப்பது மற்றும் ஐக்கிய தேசியக் கட்சிக்கு ஆதரவளிப்பது குறித்து ஏற்கனவே கலந்துரையாடியுள்ளதாக தெரிவிக்கப்படுகின்றது.

ஸ்ரீலங்கா பொதுஜன பெரமுனவின் பெரும்பான்மையான உறுப்பினர்கள் எதிர்வரும் உள்ளுராட்சி மன்றத் தேர்தலில் போட்டியிட விரும்பவில்லை என அந்தத் தகவல்கள் தெரிவிக்கின்றன.

இதேவேளை, ஐக்கிய தேசியக் கட்சியில் இணைய விரும்பாத ஸ்ரீலங்கா பொதுஜன பெரமுனவின் மற்றுமொரு உறுப்பினர்கள் எதிர்வரும் தேர்தலில் போட்டியிடும் நோக்கில் சுதந்திர மக்கள் சபையில் இணைந்து கொள்வது தொடர்பில் கலந்துரையாடியுள்ளனர்.

சுதந்திர மக்கள் சபையின் எம்.பி.க்கள் ஒன்று கூடி கலந்துரையாடியுள்ளனர். அங்கு “இப்போது தேர்தல் கேட்க முடியாது” என சுட்டிக்காட்டியுள்ளனர். நாம் இப்போது அவர்களிடமிருந்து பிரிந்து இருக்கிறோம். அவர்களிடமிருந்து எங்களால் இலக்கை அடைய முடியவில்லை. எனவே, மக்களுக்காக உழைக்க, மக்கள் பிரச்னைகளை தீர்க்க, மக்கள் சபையில் தேர்தல் நடத்த ஒரு அமைப்பை உருவாக்குங்கள்.

இதன்படி, ஸ்ரீலங்கா பொதுஜன பெரமுனவின் முன்னாள் உள்ளூராட்சி உறுப்பினர்களில் பெரும்பான்மையானவர்கள் சுதந்திர மக்கள் சபையில் வேட்புமனுக்களை சமர்ப்பித்து உள்ளூராட்சி மன்றத் தேர்தலில் போட்டியிட உள்ளனர்.  

ஓட்டமாவடி பிரதேசத்தில் வசிக்கும் பிரபல ஐஸ் போதைப்பொருள் வியாபாரி நேற்றிரவு அரபா நகரில் வைத்து 16 கிராம் ஐஸ் போதைப் பொருளுடன் கைது செய்யப்பட்டுள்ளார்.

28 வயதையுடையவர் இவர் ஓட்டமாவடி பிரதேசத்தில் வசிப்பவர் என்பதுடன், இவரிடமிருந்து 16 கிராம் ஐஸ் போதைப் பொருள் கைப்பற்றப்பட்டுள்ளது.

புலனாய்வுப் பிரிவினருக்கு கிடைத்த இரகசியத் தகவலுக்கமைய கதிரவெளி விஷேட அதிரடிப்படையினருடன் இணைந்து மேற்கொண்ட திடீர் சுற்றிவளைப்பின் போதே இவர் கைது செய்யப்பட்டார்.

போதைப்பொருளை விற்பனைக்கு கொண்டு சென்ற மோட்டார் சைக்கிள் மற்றும் போதைப் பொருள் விற்பனை செய்த ஒரு தொகைப்பணம் என்பன கைப்பற்றப்பட்டுள்ளது.

இவரை பல்வேறு தடவைகளில் கைது செய்ய முயற்சித்தும் சாதுர்யமாக தப்பித்து வந்த நிலையிலேயே கைது செய்யப்பட்டுள்ளமை குறிப்பிடத்தக்கது.

சட்ட நடவடிக்கைக்காக சந்தேகநபர் வாழைச்சேனை பொலிஸில் ஒப்படைக்கப்பட்டுள்ளார்.

சுற்றுலா மற்றும் காணி அமைச்சர் பதவியில் இருந்து ஹரின் பெர்னாண்டோ இராஜினாமா செய்யத் தயாராகி வருவதாகத் தெரிவிக்கப்படுகிறது.

எதிர்வரும் ஓகஸ்ட் மாதத்திற்குள் தனது அமைச்சுப் பதவியை இராஜினாமா செய்து கரு ஜயசூரிய தலைமையிலான தேசிய இயக்கத்தில் இணைந்து கொள்ளத் தயார் என டெய்லி மிரர் உடனான கலந்துரையாடலில் ஹரின் பெர்னாண்டோ தெரிவித்துள்ளார்.

கரு ஜயசூரிய மற்றும் விக்டர் ஐவன் ஆகியோர் முன்வைத்த பிரேரணை மிகவும் நல்லதொரு கருத்தாகும் என தாம் நம்புவதாகவும் அதனை அண்மையில் தான் வந்து முன்வைத்ததாகவும் அவர் குறிப்பிட்டுள்ளார்.

தனது அரசியல் விவகாரங்களை விட்டுவிட்டு அதில் இணையவிருப்பதாகவும் அவர் குறிப்பிட்டுள்ளார்.

2023 ஜனவரியில் ஜனாதிபதி ரணில் விக்கிரமசிங்க தலைமையில் புதிய கூட்டணியை உருவாக்குவதற்கான பேச்சுவார்த்தைகள் ஆரம்பிக்கப்பட்டுள்ளன.

இதன்படி, ஸ்ரீலங்கா பொதுஜன பெரமுனவின் நாடாளுமன்ற உறுப்பினர்கள் குழு எதிர்கால அரசியல் செயற்பாடுகள் தொடர்பில் ரணிலுடன் கலந்துரையாடியுள்ளதாக அரசியல் வட்டாரங்கள் தெரிவிக்கின்றன.

ஜனாதிபதி உள்நாட்டிலும் சர்வதேச அளவிலும் கட்டியெழுப்பியுள்ள நம்பிக்கை மற்றும் முதிர்ச்சியின் அடிப்படையில் எதிர்வரும் காலங்களில் மஹிந்த ராஜபக்ஷ தீவிர அரசியலில் இருந்து ஓய்வு பெறத் தயாராகி வருவதால், ரணிலுடன் இணைந்து புதிய கூட்டணியை உருவாக்குவதே மிகச் சரியான முடிவு என மொட்டு பாராளுமன்ற உறுப்பினர் ஒருவர் தெரிவித்தார். 

எதிர்காலத்தில் நாட்டுக்கு கடுமையான பொருளாதார முகாமைத்துவம் தேவைப்படுவதாகவும், அதற்கு மிகவும் பொருத்தமான அரசியல் தலைவர்  ரணில் விக்கிரமசிங்கவே என தமது கட்சியில் உள்ள பெரும்பாலானோர் கருதுவதாகவும் அவர் குறிப்பிட்டுள்ளார்.

பாரம்பரிய அரசியலில் இருந்து விடுபடாமல் புதிய அரசியல் பயணத்தை ஆரம்பிக்காவிட்டால் இனி எந்த அரசியல்வாதியும் பிழைக்க மாட்டார் எனவும் எனவே கட்சி முத்திரை குத்தப்பட்ட அரசியலுக்கு முற்றுப்புள்ளி வைக்க வேண்டும் எனவும் பாராளுமன்ற உறுப்பினர் மேலும் தெரிவித்தார்.

கொழும்பு மருதானை, புறக்கோட்டை பகுதியைச் சுற்றி கடும் வாகன நெரிசல் ஏற்பட்டுள்ளது.

தொழிற்சங்கங்கள் மற்றும் எதிர்க்கட்சி அரசியல் குழுக்களின் ஏற்பாட்டில் இடம்பெற்று வரும் ஆர்ப்பாட்ட பேரணி காரணமாக இந்த போக்குவரத்து நெரிசல் ஏற்பட்டுள்ளது. 

ஐக்கிய மக்கள் சக்தியின் தலைவர் சஜித் பிரேமதாசவுடன் ஒன்றாக அமர்ந்திருக்கும் போது அருவருப்பதாக இருப்பதாக அமைச்சர் ஹரின் பெர்னாண்டோ தெரிவித்துள்ளார்.

சஜித் பிரேமதாச என்னையும் மனுஷ நாணயக்காரவையும் தவளைகள் என்று வர்ணித்துள்ளார். தவளைகள் போல் கிணற்றுக்குள் இருந்திருந்தால், எந்த நன்மையும் ஏற்படாது.
இதன் காரணமாகவே கிணற்றில் இருந்து

வெளியில் பாய்ந்து குதிக்க தீர்மானித்தோம். நாடு ஸ்திரமின்மையை இழக்கும் விதத்தில் அரசியல் செய்ய வேண்டாம் என நான் சஜித் பிரேமதாசவிடம் கோருகிறேன் எனவும் ஹரின் பெர்னாண்டோ கூறியுள்ளார்.