மலேசியாவில் மூவர் படுகொலை செய்யப்பட்ட சம்பவம் தொடர்பில் கைது செய்யப்பட்ட இரு இலங்கையர்களையும் அக்டோபர் 06 வரை விளக்கமறியலில் வைக்க நீதிமன்றம் உத்தரவிட்டுள்ளது.

மலேசியாவில் வீடொன்றில் படுகொலை செய்யப்பட்ட மூன்று இலங்கையர்களின் சடலங்கள் கடந்த மாதம் 22 ஆம் திகதி பொலிஸாரால் கண்டுபிடிக்கப்பட்டன. கொலைச் சம்பவம் தொடர்பாக சடலங்கள் கண்டெடுக்கப்பட்ட வீட்டின் உரிமையாளரான தம்பதியினரை பொலிஸார் கைது செய்துள்ளனர்.

கொல்லப்பட்ட மூவரில் தம்பதியரின் மகனும் அடங்குவதாகத் தெரிவிக்கப்படுகிறது. இந்தக் கொலைகள் தொடர்பிலான விசாரணைகள் நிறைவடையாத நிலையில், கைது செய்யப்பட்ட சந்தேகநபர்களை விளக்கமறியலில் வைக்குமாறு பொலிஸாரால் விடுக்கப்பட்ட கோரிக்கைக்கு அமைவாக மேலும் விளக்கமறியல் நீடிக்கப்பட்டுள்ளது.

மின்சார கட்டணத்தை மீண்டும் ஒருமுறை உயர்த்துவது தொடர்பான கோரிக்கைக்கு அமைவான தரவுகள் மற்றும் காரணங்களை இன்று (02) அல்லது நாளை (03) பொதுப் பயன்பாட்டு ஆணைக்குழுவிடம் வழங்குவதற்கு இலங்கை மின்சார சபை தீர்மானித்துள்ளது.

நாடு முழுவதும் அண்மைக்காலமாக நிலவும் வறட்சியான காலநிலை காரணமாக அனல் மின்சாரத்தைப் பெறுவதற்கு செலவிடப்படும் உற்பத்திச் செலவை ஈடுசெய்யும் வகையில் மீண்டும் மின்சாரக் கட்டணத்தை உயர்த்துமாறு இலங்கை மின்சார சபை அண்மையில் பொதுப் பயன்பாடுகள் ஆணைக்குழுவிடம் கோரிக்கை விடுத்துள்ளது.

கட்டண திருத்த முறைக்கு முன்னர் விலையை அதிகரிப்பதற்கான கோரிக்கை இது என்பதால், அது தொடர்பான விரிவான தகவல்கள் எதிர்வரும் இரண்டு நாட்களில் பொதுப் பயன்பாடுகள் ஆணைக்குழுவிடம் சமர்ப்பிக்கப்படும் என மின்சார சபையின் பேச்சாளர் ஒருவர் தெரிவித்தார்.

மின் கட்டண திருத்த முறைமைக்கு அமைய ஜனவரி மாதத்தில் மேற்கொள்ளப்படவுள்ள கட்டண திருத்தை இம்மாதமே மேற்கொள்ள அனுமதிக்குமாறு இலங்கை மின்சார சபை, பொதுப் பயன்பாடுகள் ஆணைக்குழுவிடம் கோரிக்கை விடுத்துள்ளது.

எவ்வாறாயினும், மின்சார கட்டணத்தை திருத்துவதற்கு அனுமதி வழங்க பொதுப் பயன்பாடுகள் ஆணைக்குழுவுக்கு உரிமை இல்லை என ஐக்கிய மக்கள் சக்தியின் தேசிய அமைப்பாளர் திஸ்ஸ அத்தநாயக்க தெரிவித்துள்ளார்.

மக்களுக்கு அசௌகரியங்களை ஏற்படுத்தாமல் மின்சார சபையை புனரமைத்து இலாபகரமான நிலைக்கு கொண்டு வர வேண்டும் என அமைச்சர் மனுஷ நாணயக்கார தெரிவித்துள்ளார்.

மீண்டும் மின்சாரக் கட்டணங்கள் திருத்தப்பட்டால் மக்கள் பெரும் சிரமத்திற்கு ஆளாவது தவிர்க்க முடியாதது என மக்கள் விடுதலை முன்னணியின் பிரச்சார செயலாளர் விஜித ஹேரத் தெரிவித்துள்ளார்.

மக்கள் அசௌகரியங்களுக்கு உள்ளாகாத வகையில் கட்டணங்களை திருத்த அரசாங்கம் நடவடிக்கை எடுக்கும் என ஜனாதிபதியின் தொழிற்சங்க பணிப்பாளர் நாயகம் சமன் ரத்னப்பிரிய தெரிவித்துள்ளார்.

மேலும் மூன்று வேட்பாளர்கள் ஜனாதிபதித் தேர்தலில் போட்டியிடத் திட்டமிட்டுள்ளதாக அரசியல் வட்டாரங்கள் தெரிவிக்கின்றன.

அதன் பிரகாரம் அமைச்சர் ரொஷான் ரணசிங்க பாராளுமன்ற உறுப்பினர்களான சரத் பொன்சேகா மற்றும் சரத் வீரசேகர ஆகியோருடன் போட்டியிடவுள்ளார்.

ஊழலை ஒழிப்போம் என்ற தொனிப்பொருளில் சிறிய கட்சியொன்றில் இருந்து சரத் பொன்சேகா ஜனாதிபதி தேர்தலில் போட்டியிடவுள்ளதாக நாட்டில் இருந்து வெளியாகும் தேசிய பத்திரிகையொன்று தெரிவித்துள்ளது.

அதற்காக அவர் ஏற்கனவே உள்ளூர் மட்டத்தில் பொதுமக்களிடம் உரையாற்றி வருவதாக கூறப்படுகிறது.

ஆனால் அவர் சமகி ஜன பலவேக தவிசாளர் பதவியை ராஜினாமா செய்யவில்லை.

தேசிய சக்திகளை அடிப்படையாகக் கொண்ட அமைப்பின் ஊடாக ஜனாதிபதித் தேர்தலில் போட்டியிடுவதற்கு சரத் வீரசேகர செயற்பட்டு வருவதாகத் தெரிவிக்கப்படுகிறது.

முன்னாள் மாகாண ஆளுநர்கள் மற்றும் முன்னாள் சிரேஷ்ட பாதுகாப்புத் தலைவர்கள் பலர் வீரசேகரவின் அரசியல் திட்டத்தில் அவருக்கு ஆதரவளிப்பதாக அரசியல் வட்டாரங்கள் சுட்டிக்காட்டுகின்றன.

ஜனாதிபதித் தேர்தலை இலக்காகக் கொண்டு அமைச்சர் ரொஷான் ரணசிங்க தற்போது உள்ளூரிலேயே மக்களைப் பயிற்றுவித்து வருவதாகத் தெரிவிக்கப்படுகிறது.

ஸ்ரீலங்கா சுதந்திரக் கட்சியின் முன்னாள் பொதுச் செயலாளர் தயாசிறி ஜயசேகர மீண்டும் ஐக்கிய தேசியக் கட்சிக்கு சொல்வது பற்றி ஆராய்ந்து வருவதாக தெரிகிறது. 

 ஸ்ரீலங்கா சுதந்திரக் கட்சியின் தலைமையினால் பொதுச் செயலாளர் பதவியில் இருந்து நீக்கப்பட்டு கட்சி உறுப்புரிமை தடை செய்யப்பட்ட நாடாளுமன்ற உறுப்பினர் தயாசிறி ஜயசேகர மீண்டும் ஐக்கிய தேசியக் கட்சியில் இணைந்து கொள்ளத் திட்டமிட்டுள்ளதாகத் தெரிவிக்கப்படுகிறது.

இதற்கு முன்னர் ஐக்கிய தேசியக் கட்சியின் முக்கியஸ்தராக இருந்த அவர், ஜனாதிபதி ரணில் விக்கிரமசிங்கவுடன் சில காலம் நெருக்கமாக இருந்துள்ளார்.

நாளை (02) நள்ளிரவு எரிபொருள் விலையில் திருத்தம் மேற்கொள்ளப்படவுள்ளது.

ஒவ்வொரு மாதமும் முதலாம் திகதி விலை சூத்திரத்திற்கு அமைய எரிபொருள் விலை திருத்தம் செய்யப்படுவதால், நாளை நள்ளிரவில் இது மேற்கொள்ளப்பட உள்ளதாக சம்பந்தப்பட்ட அமைச்சு தெரிவித்துள்ளது.

நீண்ட வார விடுமுறை காரணமாக எரிபொருள் விலை திருத்தம் நாளை வரை தாமதமாகியுள்ளதாக அமைச்சின் பேச்சாளர் தெரிவித்துள்ளார்.

எரிபொருள் விலை திருத்தம் நாளை மறுதினம் முதல் அமுல்படுத்தப்படவுள்ளது.

கடந்த மாதம் மேற்கொள்ளப்பட்ட எரிபொருள் விலை திருத்தத்தின் போது எரிபொருள் விலையில் குறிப்பிடத்தக்க அதிகரிப்பு காணப்பட்டது.

இதேவேளை, எதிர்வரும் 4ஆம் திகதி எரிவாயு விலை திருத்தம் மேற்கொள்ளப்படவுள்ளதாக லிட்ரோ நிறுவனம் தெரிவித்துள்ளது.

லிட்ரோ நிறுவனம் கடந்த மாதம் செய்த விலைத் திருத்தத்தில் 12.5 கிலோகிராம் எடை கொண்ட வீட்டு எரிவாயு சிலிண்டரின் விலை 145 ரூபாவால் அதிகரிக்கப்பட்டது.

புதிய கூட்டணி குறித்து பல்வேறு அரசியல் கட்சிகள் தொடர்ந்து பல்வேறு பேச்சுவார்த்தைகளை நடத்தி வருவதாக ராஜகிரியவில் உள்ள கட்சி அலுவலகம் தெரிவித்துள்ளது. 

இவ்வாறான விசேட கலந்துரையாடல் நேற்றிரவு ஸ்ரீலங்கா சுதந்திரக் கட்சியின் தலைவர், முன்னாள் ஜனாதிபதி மைத்திரிபால சிறிசேனவின் கொழும்பு 07 இல்லத்தில்  இடம்பெற்றது. 

இதில் அக்கட்சியைச் சேர்ந்தவர்கள் உட்பட புதிய கூட்டணிக்கு ஆதரவளிக்கும் 30 எம்.பி.க்கள் கலந்து கொண்டனர்.

இது மிகவும் இரகசியமானது மற்றும் புதிய கூட்டணியின் எதிர்கால செயற்பாடுகள் குறித்து விரிவாக கலந்துரையாடப்பட்டது.

தற்போது பொஹொட்டுவவில் கடமையாற்றும் இளம் பாராளுமன்ற உறுப்பினர்கள் குழுவொன்றும் இதற்காக பிரசன்னமாகியுள்ளமை விசேட அம்சமாகும்.

எனவே, இந்த சந்திப்பை ரகசியமாக நடத்தவும், அங்கு பேசப்பட்ட விஷயங்களை வெளியிடாமல் இருக்கவும் ஆலோசித்துள்ளதாக அந்த செய்தியில் தெரிவிக்கப்பட்டுள்ளது.

இக்கட்டான தருணத்தில் புதிய கூட்டணியின் செயற்பாடுகளை நிபந்தனையின்றி ஆதரிப்பது குறித்தும் இங்கு கலந்துரையாடியுள்ளனர்.