பாரம்பரியமிக்க வரலாற்றுடன் ஆயுர்வேத அழகுசாதன பொருட்களை உற்பத்தி செய்வதில் பெயர்பெற்ற, நெச்சுரெல்லெ சிலோன், இலங்கை பெண்களது அழகினை மெருகூட்ட வடிவமைக்கப்பட்ட அழகு சாதனப் பொருட்களது புதிய வீச்சினை அறிமுகப்படுத்துவதில் பெருமைக்கொள்கின்றது. மதிப்பிற்குரிய ஆயுர்வேத வைத்தியர் சிஎஸ்எஸ் த சில்வா முதன் முதலாக நெச்சுரெல்லெ நிறுவனத்தை ஆரம்பித்த 1986 ஆம் ஆண்டு முதலான பாரம்பரியம் முதற்கொண்டு, நிறுவனமானது இலங்கையின் நவநாகரீக மங்கையரின் தேவைகளை பூர்த்திசெய்யும் சிறப்பான பொருட்களை புத்தாக்கமாக வழங்குவதனை தொடர்கின்றது.

இப்பரப்பரப்பான நாளாந்த வாழ்க்கை முறையில் தங்களது அழகினை பேணுவதில் இலங்கைப் பெண்களால் எதிர்கொள்ளப்படும் சவால்களை அறிந்த, நெச்சுரெல்லெவானது அவர்களிற்கு உதவ பொருத்தமான பல்வேறு உற்பத்திகளினை திறந்துள்ளது. வல்லாரை, கருவேப்பிலை மற்றும் பூண்டு, அகத்தி, பாகற்காய், கீழாநெல்லி, முடக்கத்தான், கராம்பு மற்றும் மஞ்சல் குளிசைகள் உள்ளிட்ட பன்முக குளிசை தெரிவுகள் ஆரம்ப உற்பத்தி வரிசையை உள்ளடக்குகின்றது.

தங்களது தலை முடியை பராமரிக்கும் அவர்களது அர்ப்பணிப்புகளிற்கு இசைவாக, நெச்சுரல்லேவானது கேசறு ஷாம்பூ, கன்டிஷனர், மற்றும் ஊட்டமளிக்கும் தலைமுடி எண்ணெய் உள்ளடங்கலான பல்வேறு வகையான உற்பத்திகளை அறிமுகப்படுத்துகின்றது. அவர்களது பிரிய சொத்துக்களிற்கென கலவையாக்கப்பட்ட ஆயுர்வேத மூலிகைகளுடனான இத்தலை முடி பராமரிப்பு பொருட்களானவை முடிக்கு ஆரோக்கியத்தையும் பளபளப்பையும் வழங்குகின்றன.

முழுமையான அழகிற்கான நெச்சுரெல்லாவின் அர்ப்பணிப்பானது, பொருத்தமான லோஷன், பூச்சுக்கள் மற்றும் முக தூய்மையாக்கிகள் தெரிவுகள் என சரும பராமரிப்பிற்கும் விரிகிறது. சருமத்திற்கு முக்கியமாக ஈரப்பதனையும் ஊட்டச்சத்துக்களையும் வழங்கும் ரோஸ் மொய்ஸரைசிங் பொடி லோஷன் மற்றும் வெனிவெல் மற்றும் மஞ்சள் பொடி லோஷன் என்பவற்றை உள்ளடக்கியதாக லோஷன்கள் பரந்துபடுகின்றன. பூச்சுக்களது பரப்பானது குங்குமாதி கிரீம், லிகொரைஸ் டே கிரீம், லிகோரைஸ் நைட் கிரீம், வெனிவெல் மற்றும் காட்டு மஞ்சள் குளோவ் மட் பெக், மற்றும் பிக்மென்டேஷன் கிரீம் என்பவற்றை உள்ளக்குகின்றது. இக்கிரீம்கள் தங்களது பாதுகாப்பு மற்றும் ஊட்ட செறிவுகளிற்காக பெயர்பெற்ற மூலிகைகளது சக்தியினை பாதுகாப்பதுடன் தீங்குமிக்க சூரிய கதிர்கள் மற்றும் சுற்றுச்சூழல் அசுத்தங்களிலிருந்து சருமத்தினை காக்கின்றன.

ஒரு முழுமையான சரும பராமரிப்பு ஆளுகையின் நிமித்தமாக, பேஷ் வாஷஸ், கிளீன்சர்ஸ், டோனர்ஸ் மற்றும் ஸ்கிரப்ஸ் எனும் தொடரினை உள்ளடக்கும் முக பராமரிப்பு பொருட்களை நெச்சுரல்லெ வழங்குகின்றது. மென்மையாக சுத்தம்செய்து, புத்துணர்ச்சி வழங்கி, சருமத்தினை புத்துயிர்ப்பெறச்செய்யும் வெனிவெல் மற்றும் காட்டு மஞ்சள் பேஷ் வாஷ், நீம் மற்றும் தேயிலை மர பேஷ் வாஷ், வெனிவெல் மற்றும் காட்டு மஞ்சள் கிளீன்சர், வெனிவெல் மற்றும் காட்டு மஞ்சள் டோனர் மற்றும் வெனிவெல் மற்றும் காட்டு மஞ்சள் ஸ்கிரப் ஆகியவற்றினை கண்டறியுங்கள்.

அனைத்து நெச்சுரலா உற்பத்திகளும் செயற்கை இனிப்புக்கள், பதனாக்கிகள் அல்லது நிறமூட்டிகள் என்பனவற்று இயற்கையான மூலிகைச் சாறுகள் மற்றும் தூள்களினைப் பயன்படுத்தி உன்னதமாக தயாரிக்கப்பட்டனவாகும். கம்பனியானது உயர் சர்வதேச நியமங்களை கடுமையாகப் பின்பற்றுவதுடன், உற்பத்தி செயன்முறையில் தொழினுட்ப மற்றும் இயந்திர நவீனத்துவங்களையும் பயன்படுத்துகின்றது. பயிற்றப்பட்ட வைத்தியரின் உற்பத்தி மேற்பார்வையுடனும்; உள்ளடக்கங்களின் தரங்களை உறுதிப்படுத்துவதற்கான வைத்தியர்கள் மற்றும் இரசாயனவியலாளர்களால் நடாத்தப்படும் பரிசோதனைகளின் ஊடாகவும், அதிசிறந்த நிலைக்கான தன்னுடைய அர்ப்பணிப்புக்களை நெச்சுரலெ நிலைநிறுத்துகின்றது. பொதியிடலிற்கு முன்னதாக மேலதிக தர உறுதிப்பாட்டு நடவடிக்கைகளும் தொழினுட்ப வல்லுநர்களினால் மேற்கொள்ளப்படுகின்றது.

மூலிகை அழகு பராமரிப்பு மற்றும் சரும பராமரிப்பு உற்பத்திக்கான நெச்சுரெலாவின் உற்பத்திக்கு சுகாதார மற்றும் சுதேச மருத்துவ அமைச்சின் ஆயுர்வேத திணைக்களத்தின் கீழ் அனுமதியளிக்கப்பட்டுள்ளது. கம்பனியின் உற்பத்தி பிரிவானது ஆயுர்வேத மருந்தகமாக பதிவுசெய்யப்பட்டுள்ளதுடன் உற்பத்தி பொருட்களது கடுமையான தர நியமங்களை பூர்த்திசெய்கின்றமைக்கான அர்ப்பணிப்பினை வெளிப்படுத்தும் விதமாக, புஆP மற்றும் ர்ஊஊP சான்றிதழ்களையும் பெற்றுள்ளது.

நெச்சுரெலா சிலோன் நிறுவனமானது தங்களது இயற்கை அழகினை தழுவிக்கொள்ளவும் அதனது புதிய அழகு சாதனப் பொருட்களுடனான ஆயுர்வேதத்தின் நிலைமாறு சக்தியினை அனுபவபூர்வமாக உணரவும் இலங்கையின் மங்கையரை அழைக்கின்றது. நெச்சுரெலாவினை அறிந்து பிரகாசிக்கும் அழகின் இரகசியத்தை கண்டடையுங்கள்.

பட விளக்கம்: (இடமிருந்த வலமாக)

சாமிக்க விமலசிறி – SGS லங்காவின் தேசிய முகாமையாளர், தர்ஷன டயஸ் - தொழிற்சாலை முகாமையாளர், ஒளசத லங்கா (தனி.) லிமிட்., ஆயுர்வேத வைத்தியர் பிரியதர்ஷன பெந்தோடாராச்சி – பிரதம நிறைவேற்று அதிகாரி, ஒளசத லங்கா (தனி.) லிமிட்., பிரசன்ன ரணவீர – சிறிய மற்றும் நடுத்தர தொழில் முனைவோர் அபிவிருத்தி இராஜாங்க அமைச்சர்.  

நேற்றைய தினத்துடன் ஒப்பிடுகையில் இலங்கையில் உள்ள வர்த்தக வங்கிகளில் இன்று (27) அமெரிக்க டொலருக்கு நிகரான இலங்கை ரூபா நிலையானதாக உள்ளது.

மக்கள் வங்கியில், அமெரிக்க டொலரின் கொள்முதல் மற்றும் விற்பனை விலைகள் மாற்றமின்றி ரூ. 299.74 மற்றும் ரூ. முறையே 317.47.

கொமர்ஷல் வங்கியின் கூற்றுப்படி, அமெரிக்க டொலரின் கொள்வனவு வீதம் ரூ. 297.68 முதல் ரூ. 298.90, விற்பனை விகிதம் மாறாமல் ரூ. 316.

சம்பத் வங்கியில், அமெரிக்க டொலரின் கொள்முதல் மற்றும் விற்பனை விகிதங்கள் மாறாமல் ரூ. 300 மற்றும் ரூ. முறையே 315. 

கிழக்கு கடற்கரைகளுக்கு அதிகமான சுற்றுலாப் பயணிகளை ஈர்க்கும் வகையில் புதுமையான திட்டங்களை உருவாக்குமாறு சுற்றுலா பணியகத்திற்கு கிழக்கு மாகாண ஆளுநர் செந்தில் தொண்டமான் அறிவுறுத்தல் விடுத்துள்ளார். 

சில படகு உரிமையாளர்கள் மற்றும் இயக்குநர்களுக்கு விருந்து, இரவு தங்குதல் மற்றும் சுற்றுலாப் பயணிகளுக்கான சிறப்புப் திட்டங்கள் குறித்து விவாதித்துள்ளதாக ஆளுநர் தெரிவித்துள்ளார். 

திருகோணமலை கடற்கரையில் பயணம்  மேற்கொண்ட கிழக்கு மாகாண ஆளுநர் "நாங்கள் திருகோணமலை கடற்கரையில் பயணித்தோம், இந்து மதத்தின் முக்கிய சக்தி பீடங்களில் ஒன்றான கோணேஷ்வரம் கோயிலின் கடல் பக்க காட்சியில் நான் ஆச்சரியப்பட்டேன்" என்று தனது முகநூலில் பதிவிட்டுள்ளார். 

பிரதமா் நரேந்திர மோடி தலைமையிலான இந்திய அரசின் ஆதரவுடன் இலங்கை தனது பெரும்பாலான பிரச்னைகளுக்கு தீா்வு கண்டுள்ளது என்று அந்நாட்டின் நீதித்துறை அமைச்சா் விஜயதாச ராஜபட்ச தெரிவித்தாா்.

இலங்கையில் அனைத்து சமூகத்தினரின் ஒருமித்த கருத்துடன் நீண்டகால அமைதியை நிலைநாட்ட ‘உண்மை மற்றும் நல்லிணக்க ஆணைக் குழு’ விரைவில் அமைக்கப்படும் என்றும் அவா் கூறினாா்.

மகாராஷ்டிர மாநிலம், நாகபுரியில் சனிக்கிழமை நடைபெற்ற அமைதி மாநாட்டில் பங்கேற்ற விஜயதாச ராஜபட்ச, பிடிஐ செய்தியாளருக்கு அளித்த பேட்டியில் கூறியதாவது:

பிரதமா் மோடி தலைமையிலான இந்திய அரசின் ஆதரவுடன், எங்களது பெரும்பாலான பிரச்னைகளுக்கு தீா்வு கண்டுள்ளோம். இலங்கையில் விரைவில் இயல்புநிலை திரும்பிவிடும் என்ற நம்பிக்கை உள்ளது.

இலங்கை 30 ஆண்டு கால போா் மற்றும் அதன் பேரழிவுகளை கண்டுள்ளது. 60 ஆயிரம் உயிா்கள் பறிபோயுள்ளன.போரால் பாதிக்கப்பட்ட மக்களுக்கு உதவ பல்வேறு முயற்சிகள் மேற்கொள்ளப்பட்டு, கடந்த 2016-ஆம் ஆண்டிலேயே நடைமுறைகள் தொடங்கப்பட்டன. மாயமானவா்களை கண்டறிதல், குடும்பத்தினருக்கு உதவுதல் உள்ளிட்ட பணிகளுக்காக அலுவலகங்கள் அமைக்கப்பட்டன.

இலங்கை தமிழ் மக்கள் மற்றும் தலைவா்களுடன் தொடா்ந்து ஆலோசனைகளும் பேச்சுவாா்த்தைகளும் மேற்கொண்டு வருகிறோம் என்றாா் விஜயதாச ராஜபட்ச.இலங்கையில் மொழி, மத சிறுபான்மையினருக்கு அநீதி இழைக்கப்படுவதாகவும், பாரபட்சம் காட்டப்படுவதாகவும் உள்ள புகாா்கள் குறித்த கேள்விக்கு அவா் அளித்த பதில்:

இலங்கையில் அனைத்து சமூகத்தினரின் ஒருமித்த கருத்துடன் நீண்டகால அமைதியை உறுதி செய்ய முயன்று வருகிறோம். அந்த வகையில், உண்மை மற்றும் நல்லிணக்க ஆணைக் குழு விரைவில் அமைக்கப்படும்பெரும்பாலான விவகாரங்களில் தீா்வு காணப்பட்டுள்ளதால், இதுபோன்ற பிரச்னைகள் இப்போது குறைந்துவிட்டன.

அடுத்த தலைமுறையினருக்கு இப்பிரச்னைகள் கடத்தப்படக் கூடாது என்பதே அரசின் கண்ணோட்டம்.முஸ்லிம்களாக இருந்தாலும், தமிழா்களாக இருந்தாலும், சிங்களா்களாக இருந்தாலும் இலங்கை குடிமகன் என்ற அடையாளத்துடன் அனைவரும் அமைதியான சூழலில் வாழ்வதை நாங்கள் உறுதி செய்வோம் என்றாா் அவா். 

மன்னார், புதுக்குடியிருப்பு பிரதேசத்தில் வீடொன்றை சோதனையிடச் சென்ற உயிலங்குளம் பொலிஸ் உத்தியோகத்தர்கள் குழுவொன்று தந்தை, மகன் உள்ளிட்ட குழுவினால் தாக்குதல் நடத்தப்பட்டதாக பொலிஸார் தெரிவித்தனர்.

புதுக்குடியிருப்பு பகுதியில் உள்ள வீடொன்றில் நபர் ஒருவர் தடுத்து வைக்கப்பட்டு தாக்கப்படுவதாக கிடைத்த தகவலின் பேரில் உயில்ங்குளம் பொலிஸ் நிலைய பொறுப்பதிகாரி பொலிஸ் பரிசோதகர் ஜகத் குமார உள்ளிட்ட பொலிஸ் குழுவினர் சோதனையிட்டனர்.

தந்தை மற்றும் மகன் உட்பட குழுவொன்று வீட்டில் இருந்த பொலிஸாரை பொல்லுகளால் தாக்கியதில் இரண்டு பொலிஸ் சார்ஜன்ட்களும் மூன்று பொலிஸ் கான்ஸ்டபிள்களும் காயமடைந்ததாக மன்னாரில் உள்ள சிரேஷ்ட பொலிஸ் அதிகாரி ஒருவர்  தெரிவித்தார்.

ஐந்து பொலிஸ் உத்தியோகத்தர்களை தாக்கி காயப்படுத்திய இரண்டு தந்தை மற்றும் மகன் உள்ளிட்ட குழுவினரை கைது செய்ய பொலிஸார் விரிவான விசாரணைகளை மேற்கொண்டு வருகின்றனர். 

2022 ஆம் ஆண்டிற்கான நிதி, பொருளாதார ஸ்திரப்படுத்தல் மற்றும் தேசிய கொள்கை அமைச்சின் வருடாந்த அறிக்கையின்படி, கடந்த ஆண்டில் (2022) 18 அரச நிறுவனங்கள் 958.7 பில்லியன் ரூபா நட்டத்தைச் சந்தித்துள்ளன.

இந்த நிறுவனங்கள் நஷ்டம் அடைவதற்கு முக்கிய காரணம் பொருட்கள் மற்றும் சேவைகளுக்கான சரியான விலை இல்லாமை, செயல்பாட்டு திறமையின்மை, அதிக எண்ணிக்கையிலான பணியாளர்கள், மோசமான மனித வள மேலாண்மை, மோசமான கட்டுப்பாடுகள் மற்றும் மேலாண்மை ஆகியவை ஆகும்.

அத்துடன், கடந்த ஆண்டு ரூபாவின் பெறுமதி வீழ்ச்சியினால் இலங்கை பெற்றோலிய கூட்டுத்தாபனம், இலங்கை மின்சார சபை போன்ற நிறுவனங்களால் ஏற்பட்ட பரிவர்த்தனை இழப்பே இந்த கணிசமான இழப்பிற்கு முக்கிய காரணம் என அடையாளம் காணப்பட்டுள்ளது.

கடந்த ஆண்டில், வரலாற்றில் எப்போதும் இல்லாத வகையில், அரசு நிறுவனங்களின் செயல்பாடுகள் பலவீனமடைந்துள்ளன.

இந்த அரச நிறுவனங்களின் நிதிப் பலவீனங்கள் முழுப் பொருளாதாரத்திலும் குறிப்பாக வங்கித் துறையின் மீது கடுமையான தாக்கத்தை ஏற்படுத்தியுள்ளதாக அந்த அறிக்கையில் மேலும் தெரிவிக்கப்பட்டுள்ளது.

பொலிஸ் மா அதிபர் சி.டி.விக்ரமரத்னவுக்கு இரண்டாவது சேவை நீடிப்பு வழங்கப்படவுள்ளதாக அரசாங்கத் தகவல்கள் தெரிவிக்கின்றன.

இவரது சேவைக்காலம் இன்றுடன் (26) முடிவடைகிறது.

புதிய பொலிஸ் மா அதிபர் தொடர்பில் அரசியலமைப்பு சபைக்கு இதுவரை பரிந்துரைகள் தாக்கல் செய்யப்படவில்லை.

அத்துடன் அரசியலமைப்பு சபை இன்றும் நாளையும் கூடவதற்கான தீர்மானம் எடுக்கப்படாத நிலையில் புதிய பொலிஸ் மா அதிபர் நியமனம் விரைவாக மேற்கொள்ளப்பட மாட்டாது.

இது தொடர்பில் பொது மக்கள் பாதுகாப்பு அமைச்சர் டிரான் அலஸிடம் கேட்டபோது, புதிய பொலிஸ் மா அதிபர் தொடர்பில் ஜனாதிபதி வருகையின் பின்னர் கலந்துரையாடப்படும் என தெரிவித்தார்.

பொலிஸ் மா அதிபர் சி.டி.விக்ரமரத்ன மார்ச் 26 அன்று ஓய்வு பெறவிருந்தார். ஆனால் அரசாங்கம் அவருக்கு மூன்று மாத சேவை நீடிப்பை வழங்கியது.

நேற்று இரவு அம்பலாங்கொடையில் 56 வயதுடைய நபர் ஒருவர் சுட்டுக்கொல்லப்பட்டுள்ளார்.

முச்சக்கரவண்டியில் பயணித்த நபர் மீது இனந்தெரியாத இருவர் துப்பாக்கிச் சூடு நடத்தியுள்ளனர். 

அண்மைய நாட்களில் இலங்கையில் துப்பாக்கி சூட்டு சம்பவங்கள் அதிகரித்து வருகிறது.