பிரவுன் மற்றும் வெள்ளை சீனியை கலந்து விற்பனை செய்வதன் மூலம் வாடிக்கையாளர்களை ஏமாற்றும் மோசடியான செயற்பாடுகளில் பல்பொருள் அங்காடிகள் ஈடுபடுவதாக அகில இலங்கை சிற்றுண்டிச்சாலை உரிமையாளர்கள் சங்கத்தின் (AICOA) தலைவர் அசேல சம்பத் குற்றஞ்சாட்டியுள்ளார்.

எனவே, முட்டை விவகாரத்தில் கவனம் செலுத்தியது போல், நுகர்பொருள் வாணிபப் பொருட்கள் மீதும் கூடுதல் கவனம் செலுத்துமாறு வர்த்தக அமைச்சரிடம் AICOA கேட்டுக்கொள்கிறது.

கறுப்புச் சந்தையும், மோசடி வியாபாரிகளும் அப்பாவி நுகர்வோரை தொடர்ந்து தவறாக வழிநடத்தினால், மக்களுக்கு சலுகைகள் வழங்குவதில் எந்தப் பயனும் இல்லை என்று சம்பத் கூறினார்.

"ஒரு கிலோ வெள்ளை சர்க்கரையின் சில்லறை விலை ரூ.220 ஆகவும், ஒரு கிலோ பிரவுன் சர்க்கரை ரூ.360 ஆகவும் உள்ளது. வெள்ளைச் சர்க்கரையுடன் பிரவுன் சர்க்கரையை கலந்து பிரவுன் சர்க்கரையாக அதிக விலைக்கு விற்பனை செய்வதன் மூலம், பல்பொருள் அங்காடிகள் ஒரு கிலோவுக்கு ரூ.140 லாபம். சந்தையில் உள்ள வெள்ளை சர்க்கரையை விட பிரவுன் சர்க்கரையை மக்கள் அதிகம் வாங்க விரும்புகிறார்கள், ஏனெனில் பிரவுன் சர்க்கரை வெள்ளை வகையை விட சுத்தமானதாகக் கருதப்படுகிறது," என்று சம்பத் கூறினார்.

அசேல சம்பத் மேலும் கூறுகையில், நுகர்வோர் பொதுவாக பல்பொருள் அங்காடிகளுக்கு ஆதரவளிப்பது அவர்களின் பொருட்களின் தரம் காரணமாகும். வாடிக்கையாளர்களை தவறாக வழிநடத்தும் வகையில் சூப்பர் மார்க்கெட்டுகள் இதுபோன்ற செயல்களில் ஈடுபட்டால், ஒவ்வொரு சூப்பர் மார்க்கெட் முன்பும் ஒன்று கூடி பொதுமக்களிடம் இது குறித்து விழிப்புணர்வு ஏற்படுத்த வேண்டும் என்றார் அவர்.

ரணில் விக்கிரமசிங்கவுடன் இணைந்து புதிய அரசாங்கத்தை அமைக்கத் தயார் என ஐக்கிய மக்கள் சக்தி நாடாளுமன்ற உறுப்பினர் ஹெக்டர் அப்புஹாமி தெரிவித்துள்ளார்.

ரணில் விக்கிரமசிங்க ஜனாதிபதியாக இருப்பதில் எந்தப் பிரச்சினையும் இல்லை எனவும் அவர் தமது கட்சியின் முன்னாள் தலைவர் எனவும் எம்.பி சுட்டிக்காட்டியுள்ளார். 

ரணில் விக்கிரமசிங்கவுடன் இணைந்து புதிய வேலைத்திட்டத்தின் கீழ் புதிய அரசாங்கத்தில் இணைந்து கொள்ளத் தயாராக இருப்பதாகவும், ஜனாதிபதித் தேர்தல் வரையில் அந்த வேலைத்திட்டத்தில் தொடர முடியும் எனவும் அவர் தெரிவித்தார்.

ஐக்கிய மக்கள் சக்தி நடத்திய ஊடகவியலாளர் சந்திப்பில் அவர் இதனைத் தெரிவித்தார். 

எதிர்வரும் ஜனாதிபதித் தேர்தலில் ஸ்ரீலங்கா பொதுஜன பெரமுன மற்றும் ஐக்கிய தேசியக் கட்சியின் வேட்பாளராக ஜனாதிபதி ரணில் விக்ரமசிங்கவை முன்னிறுத்துவதற்கான பேச்சுவார்த்தைகள் ஆரம்பிக்கப்பட்டுள்ளதாக அரசியல் வட்டாரங்கள் தெரிவிக்கின்றன.

அரசாங்கத்தில் முக்கிய பதவி வகிக்கும் சிரேஷ்ட அமைச்சர் ஒருவர் உட்பட பொதுஜன பெரமுனவின் அமைச்சர்கள் பலரும் இதற்கு வேரூன்றி இருப்பதாகத் தெரிவிக்கப்படுகிறது.

ரணில் விக்ரமசிங்கவை ஜனாதிபதி வேட்பாளராக முன்னிறுத்தும் பணியை அரசாங்கத்தில் பலம் வாய்ந்த பதவி வகிக்கும் சிரேஷ்ட அமைச்சர் ஒருவர் பொறுப்பேற்றுள்ளதாக தகவல்கள் தெரிவிக்கின்றன.

முன்னாள் ஜனாதிபதி மஹிந்த ராஜபக்ஷ பதவியில் இருக்கும் போது அவரது தனிப்பட்ட ஊழியர்கள் சிலருடன் தொடர்பு கொண்டுள்ளதாகவும் தெரிவிக்கப்படுகிறது.

இதேவேளை, அரசாங்கத்தில் அங்கம் வகிக்கும் அமைச்சரவை மற்றும் இராஜாங்க அமைச்சர்களில் பெரும்பாலான இளம் உறுப்பினர்கள் ரணில் விக்கிரமசிங்கவுக்கு ஆதரவளிக்க தயாராகி வருவதாகவும் தெரிவிக்கப்படுகிறது. 

தான் பதவியில் இருக்கும் வரை எவருக்கும் சட்டம் ஒழுங்கை சீர்குலைக்க இடமளிக்க மாட்டேன் என ஜனாதிபதி ரணில் விக்ரமசிங்க தெரிவித்தார். 

அனுராதபுரத்தில் உள்ள விமானப்படை முகாமில் முப்படை மற்றும் பொலிஸாரிடையே கருத்து தெரிவித்த போதே ஜனாதிபதி இதனைக் கூறினார்.

நாட்டில் ஏற்றுமதியை விட இறக்குமதியே அதிகளவில் காணப்படுவதாக தெரிவித்த ஜனாதிபதி, தொடர்ச்சியாக கடனைப் பெற்றுக்கொள்ள முடியாது எனவும் சுட்டிக்காட்டினார்.

பயங்கரவாதத்தினை விட போதைப்பொருள் பாவனை அதிகரித்துள்ளதாகவும் இதற்கு எதிராக கடுமையான சட்டங்களை கொண்டு வருவதற்கு விடயத்திற்கு பொறுப்பான அமைச்சர்களுக்கு ஆலோசனை வழங்கியுள்ளதாகவும் ஜனாதிபதி தெரிவித்தார்.

பொலிஸார் மாத்திரமல்லாது, முப்படைகளின் உதவியுடன் போதைப்பொருள் பாவனையை ஒழிப்பதற்கு நடவடிக்கை எடுப்பதாக அவர் கூறினார்.

தான் ஜனாதிபதியாக இருக்கும் காலத்தில் யாருக்கும் சட்டம் ஒழுங்கை சீர்குலைக்க இடமளிக்க போவதில்லை என கூறிய அவர், அனுமதியுடன் அமைதிவழி கூட்டங்களை நடத்த முடியும் எனவும் தெரிவித்தார். 

ஊவா பரணகம மகா வித்தியாலயத்திற்கும் தர்மதூத கல்லூரிக்கும் இடையில் இன்று பிற்பகல் இடம்பெற்ற பிக் மெட்ச் போட்டியை முன்னிட்டு இடம்பெற்ற வாகன அணிவகுப்பின் போது கெப் வண்டி ஒன்று கவிழ்ந்ததில் இரு மாணவர்கள் உயிரிழந்துள்ளதுடன் மேலும் 7 பேர் காயமடைந்துள்ளதாக பொலிஸார் தெரிவித்துள்ளனர்.

காயமடைந்தவர்கள் பதுளை வைத்தியசாலையில் அனுமதிக்கப்பட்டுள்ளனர்.

போட்டியின் போது மைதானத்தைச் சுற்றி வாகனங்கள் அணிவகுத்துச் சென்றதால் விபத்து ஏற்பட்டுள்ளது.

பதுளை பொலிஸார் மேலதிக விசாரணைகளை மேற்கொண்டு வருகின்றனர். 

ஐக்கிய மக்கள் சக்தியின் இருபது பேர் அரசாங்கத்தில் இணையப்போவதாகவும், நாற்பது பேர் அரசாங்கத்துடன் இணையப்போவதாகவும் பல்வேறு வகையான ஊடகங்களில் செய்திகள் வெளியாகி வருவதாகவும், ஆனால் தமது உறுப்பினர்கள் எவரும் தற்போதைய அரசாங்கத்தில் இணையப்போவதில்லை எனவும் ஐக்கிய மக்கள் சக்தியின் பொதுச் செயலாளர் ரஞ்சித் மத்தும பண்டார தெரிவித்துள்ளார்.

ஊடகங்களில் செய்திகள் வெளியாகியிருந்த போதிலும் உண்மையில் நடந்தது என்னவெனில் அரசாங்கத்தில் உள்ள பெருமளவானோர் ஏற்கனவே எதிர்க்கட்சியில் இணைந்து கொண்டுள்ளதாகவும் ஆனால் அரசாங்கத்தில் இணைய விரும்பும் எம்பிக்களுக்கு 20 கோடி ரூபா வழங்க உத்தேசிக்கப்பட்டுள்ளதாகவும் ஐக்கிய மக்கள் சக்தியின் பொதுச் செயலாளர் குறிப்பிட்டுள்ளார். 

எதிர்க்கட்சித் தலைவர் அலுவலகத்தில் நடைபெற்ற ஊடகவியலாளர் சந்திப்பில் அவர் இதனைத் தெரிவித்தார்.

இதேவேளை, மக்கள் சந்திப்பில் கலந்து கொண்டு உரையாற்றிய எதிர்கட்சித் தலைவர் சஜித் பிரேமதாச, தமது அணி எம்.பி.க்கள் அரசாங்கத்துடன் இணைவதாக சமூக ஊடகங்களைப் பயன்படுத்தி போலியான செய்திகளை உருவாக்கி வருவதாகத் தெரிவித்தார். 

அரசாங்கத்தில் இணைந்துகொள்ளும் நாடாளுமன்ற உறுப்பினர் ஒருவருக்கு 20 கோடி ரூபாவை வழங்க முயற்சிப்பதாகத் தெரிவித்த அவர், தமது  கட்சியைச் சேர்ந்த எந்தவொரு உறுப்பினரும் பணத்தைப் பெற்றுக்கொண்டு அரசாங்கத்தில் இணைவதற்குத் தயாராக இல்லை எனவும் தெரிவித்தார்.