நிட்டம்புவ, பின்னகொல்ல பகுதியில் முன்னெடுக்கப்பட்ட விசேட நடவடிக்கையின் போது, 61 கி.கி இற்கும் அதிக எடையுடைய ‘ஐஸ்’ (Crystal Methamphetamine) போதைப்பொருளுடன் நபர் ஒருவர் கைது செய்யப்பட்டுள்ளார்.

கோணஹேன விசேட அதிரடிப்படை (STF) முகாமிற்கு கிடைத்த இரகசிய தகவலொன்றின் அடிப்படையில் இந்த சுற்றிவளைப்பு மேற்கொள்ளப்பட்டது.

சந்தேகநபர் தனது முச்சக்கர வண்டியில் 61 கி.கி 838 கிராம் எடையுடைய போதைப்பொருளைக் கடத்திச் சென்ற போதே விசேட அதிரடிப்படையினரால் மடக்கிப் பிடிக்கப்பட்டார்.

கைப்பற்றப்பட்ட இந்த போதைப்பொருட்களின் பெறுமதி சுமார் ரூ. 90 கோடி என மதிப்பிடப்பட்டுள்ளதுடன், கடத்தலுக்குப் பயன்படுத்தப்பட்டமுச்சக்கர வண்டியும் பொலிஸாரால் பறிமுதல் செய்யப்பட்டது.

சம்பவம் தொடர்பில் விசாரணைகளின் மூலம், கைது செய்யப்பட்ட நபர் தற்போது வெளிநாடுகளில் தலைமறைவாக இருக்கும் “துபாய் வருண்” (Dubai Varun) மற்றும் மொஹமட் சித்திக் (Mohammed Siddiq), அத்துடன் தற்போது சிறைத்தண்டனை அனுபவித்து வரும் “லெனா” (Lena) எனப்படும் திலிந்து சஞ்சீவ போன்ற ஒழுங்கமைக்கப்பட்ட குற்றவாளிகள் மற்றும் போதைப்பொருள் கடத்தல்காரர்களுடன் நெருங்கிய தொடர்புகளைப் பேணி வந்துள்ளார் என்பது தெரியவந்துள்ளது.

கிரீன்லாந்து தொடர்பாக அமெரிக்காவிற்கும் – ஐரோப்பாவிற்கும் இடையே நிலவும் இராஜதந்திர நெருக்கடி தீவிரமடைந்துள்ள நிலையில், உலக சந்தையில் தங்கத்தின் விலை இன்று (21) முன்னெப்போதும் இல்லாத வகையில் உயர்வடைந்துள்ளது.

இதன்படி, ஒரு அவுன்ஸ் தங்கத்தின் விலை 4,800 அமெரிக்க டொலர்களைக் கடந்து புதிய உலக சாதனையைப் படைத்துள்ளது.

இந்த அரசியல் ஸ்திரமற்ற நிலை தொடருமானால், வரும் நாட்களில் தங்கத்தின் விலை 5,000 டொலர் எல்லையை எட்டக்கூடும் என பொருளாதார ஆய்வாளர்கள் எதிர்வு கூறியுள்ளனர்.

2026 ஆம் ஆண்டில் உலகின் தேனிலவு கொண்டாடச் சிறந்த 25 இடங்களில் 3 இடங்களைப் பெற்றுக்கொள்ள இலங்கை பெற்றுள்ளது. 

உலகப் புகழ் பெற்ற சுற்றுலா ஆலோசனை நிறுவனமான 'ட்ரிப் அட்வைசர்' (TripAdvisor) வெளியிட்ட அண்மைய அறிக்கைக்கு அமைய இந்த இடங்கள் கிடைத்துள்ளதாகக் குறிப்பிடப்பட்டுள்ளது. 

அதற்கமைய, உலகின் தேனிலவு கொண்டாடச் சிறந்த இடங்களுக்கு மத்தியில் 5 ஆவது இடம் காலி நகருக்குக் கிடைத்துள்ளது. 

அந்த அறிக்கையில் 13 ஆவது இடம் எல்ல (Ella) நகருக்கும், 22 ஆவது இடம் தங்காலை நகருக்கும் கிடைத்துள்ளதாகவும் தெரிவிக்கப்படுகிறது. 

இவ்வறிக்கைக்கு அமைய, உலகின் தேனிலவு கொண்டாடச் சிறந்த இடமாக இந்தோனேசியாவின் பாலி கருதப்படுவதுடன், இரண்டாவது இடம் மொரிஷியஸுக்கும் மூன்றாவது இடம் மாலைதீவுக்கும் கிடைத்துள்ளது. 

கடந்த வருடம் உலகம் முழுவதிலும் உள்ள சுற்றுலாப் பயணிகள் வழங்கிய தகவல்கள் மற்றும் அனுபவங்களை அடிப்படையாகக் கொண்டு இந்தத் தரவரிசைப்படுத்தல்கள் மேற்கொள்ளப்பட்டுள்ளதாகத் தெரிவிக்கப்படுகிறது.

அரசாங்க மருத்துவ அதிகாரிகள் சங்கம், வரும் ஜனவரி 23ஆம் திகதி முதல் நாடு முழுவதும் தொடர்ச்சியான தொழிற்சங்க நடவடிக்கையை ஆரம்பிக்க தீர்மானித்துள்ளதாக தெரிவித்துள்ளது.

இந்த தீர்மானம், நேற்று (19) நடைபெற்ற சங்கத்தின் நிர்வாகக் குழு கூட்டத்தில் எடுக்கப்பட்டதாக அந்த சங்கம் கூறுகிறது.

2026 ஆம் ஆண்டுக்கான பட்ஜெட் முன்மொழிவுகள் மூலம், மருத்துவர்களின் மற்றும் முழு சுகாதார சேவையின் உண்மையான பிரச்சினைகளுக்கு உரிய தீர்வுகள் வழங்கப்படாததால், மருத்துவ சமூகத்தில் கடும் அதிருப்தி உருவாகியுள்ளதாக அவர்கள் தெரிவிக்கின்றனர்.

இது தொடர்பாக ஜனாதிபதி மற்றும் சுகாதார அமைச்சர் ஆகியோருடன் கலந்துரையாடல்களை நடத்துவதன் மூலம், முன்மொழியப்பட்ட தொழிற்சங்க நடவடிக்கைகளை தற்காலிகமாக இடைநிறுத்த தீர்மானித்திருந்ததாகவும் சங்கம் குறிப்பிட்டுள்ளது.

ஆனால், அந்த கலந்துரையாடல்கள் நடைப்பெறாததும், எட்டப்பட்ட உடன்பாடுகள் செயல்படுத்தப்படாததையும் காரணமாகக் கொண்டு, கடுமையான தொழிற்சங்க நடவடிக்கைகளில் ஈடுபட தீர்மானித்துள்ளதாக அரசாங்க மருத்துவ அதிகாரிகள் சங்கம் வலியுறுத்தியுள்ளது.

குற்றவாளிகள் மற்றும் சட்டவிரோத வியாபாரிகளுக்கு ஆதரவளிக்கும் பொலீஸ் அதிகாரிகளுக்கு எதிராக கடுமையான சட்ட நடவடிக்கை –பொலீஸ் மா அதிபர் பிரியந்த வீரசூரிய

குற்றவாளிகள் மற்றும் சட்டவிரோத வியாபாரிகளுக்கு ஆதரவளிக்கும் பொலீஸ் அதிகாரிகளுக்கு எதிராக கடுமையான சட்ட நடவடிக்கை எடுக்கப்படும் என பொலீஸ் மா அதிபர் சட்டத்தரணி பிரியந்த வீரசூரிய தெரிவித்தார்.

அனுராதபுர புனித நகரத்தின் அரிப்பு பாதை முதல் குறுக்கு தெரு பகுதியில், இலங்கை போலீஸின் இளநிலை போலீஸ் அதிகாரிகளின் நலனுக்காக நிர்மாணிக்கப்பட்ட “ரஜரட்ட சிசில” இளநிலை பொலீஸ் குடியிருப்பை திறந்து வைக்கும் நிகழ்வில் கலந்து கொண்டு அவர் இதனை தெரிவித்தார்.

இதன் போது பேசிய பொலீஸ் மா அதிபர் பிரியந்த வீரசூரிய,

“பொலீஸ், சட்டவிரோத வியாபாரிகளும், குற்றவாளிகளும் ஒன்றாக இருக்க முடியாது. பொலீஸ் அதிகாரிகள் அந்த நிலைக்கு செல்ல முயன்றால், அதற்கெதிராக தீர்மானங்களை எடுக்க எந்த விதத்திலும் தயங்கமாட்டோம்” என வலியுறுத்தினார்.

கடந்த ஜனாதிபதி தேர்தலில் ஜனாதிபதி அனுர குமார திசாநாயக்க வழங்கிய முக்கிய 30 தேர்தல் வாக்குறுதிகளில், 10 வாக்குறுதிகள் கடந்த நவம்பர் மாதம் வரையில் நிறைவேற்றப்பட்டுள்ளதாக வெரிட்டே ரிசர்ச் நிறுவனம் வெளியிட்டுள்ள புதிய அறிக்கையில் தெரிவிக்கப்பட்டுள்ளது.

மேலும், இன்னும் 10 வாக்குறுதிகளை நடைமுறைப்படுத்துவதற்கான பணிகள் தற்போது ஆரம்பிக்கப்பட்டுள்ளதாகவும் அந்த அறிக்கை சுட்டிக்காட்டுகிறது.

ஜனாதிபதியின் கொள்கை அறிக்கையில் இடம்பெற்ற வாக்குறுதிகள் எவ்வாறு நடைமுறைப்படுத்தப்படுகின்றன என்பதை கண்காணிப்பதற்காக, வெரிட்டே ரிசர்ச் நிறுவனம் அறிமுகப்படுத்திய ‘அனுர மீட்டர்’ (Anura Meter) எனும் முன்னேற்ற கண்காணிப்பு கருவியின் புதுப்பிக்கப்பட்ட தரவுகள் மூலம் இந்த தகவல்கள் வெளிப்பட்டுள்ளன.

இந்த கண்காணிப்பின் கீழ், ஜனாதிபதி தனது கொள்கை அறிக்கையின் மூலம் வழங்கிய 30 முக்கிய வாக்குறுதிகள் தொடர்பில் ஆய்வு மேற்கொள்ளப்பட்டுள்ளது.

அதே நேரத்தில், மீதமுள்ள 10 வாக்குறுதிகளில் 9 வாக்குறுதிகளில் கடந்த நவம்பர் மாதம் வரையில் எந்தவித முன்னேற்றமும் காணப்படவில்லை எனவும், ஒரு வாக்குறுதியை நிறைவேற்றுவதில் ஜனாதிபதி தோல்வியடைந்துள்ளதாகவும் வெரிட்டே ரிசர்ச் அறிக்கை குறிப்பிடுகிறது.

இந்த ஆய்வின் சிறப்பு அம்சமாக, கண்காணிக்கப்பட்ட 30 வாக்குறுதிகளில் 7 வாக்குறுதிகள் பொதுமக்களிடமிருந்து கிடைத்த கருத்துகள் மற்றும் பின்னூட்டங்களை அடிப்படையாகக் கொண்டு தேர்ந்தெடுக்கப்பட்டுள்ளன.

மேலும், இந்த முழுமையான ஆய்வு ‘திட்வா’ சூறாவளி இலங்கையை தாக்குவதற்கு முன்பாக மேற்கொள்ளப்பட்டதாகவும் வெரிட்டே ரிசர்ச் நிறுவனம் தெரிவித்துள்ளது.

தரமற்ற பிளாஸ்டிக் உற்பத்தி மற்றும் விநியோகத்திற்கு விதிக்கப்படும் அபராதம் அதிகரிப்பு

தரமற்ற பிளாஸ்டிக் உற்பத்தி மற்றும் விநியோகத்துடன் தொடர்புடைய அபராத தொகைகளை அதிகரிக்க அரசாங்கம் திட்டமிட்டுள்ளதாக தெரிவிக்கப்படுகிறது.

இதுதொடர்பாக சுற்றுச்சூழல் துணை அமைச்சர் அன்டன் ஜயகொடி தெரிவிக்கையில், திருத்தப்பட்ட சுற்றுச்சூழல் சட்ட மசோதாவின் மூலம் அதற்கான விதிமுறைகள் ஏற்கனவே அறிமுகப்படுத்தப்பட்டுள்ளன என்றார்.

மேலும், தற்போது தரமற்ற பிளாஸ்டிக் தொடர்பாக விதிக்கப்படும் அபராதம் ரூ. 10,000 ஆக இருப்பதாகவும் துணை அமைச்சர் குறிப்பிட்டார்.

மத்திய வங்கியின் சமீபத்திய தரவுகளின்படி, இலங்கையின் உள்நாட்டு சீனி உற்பத்தி தொழிலில் குறிப்பிடத்தக்க பின்னடைவு ஏற்பட்டுள்ளது.

2024 ஆம் ஆண்டின் முதல் ஒன்பது மாதங்களில் மெட்ரிக் தொன் 74,970 ஆக இருந்த உள்நாட்டு சீனி உற்பத்தி, 2025 ஆம் ஆண்டின் அதே காலப்பகுதியில் மெட்ரிக் தொன் 56,992 ஆக குறைந்துள்ளது. இது முந்தைய ஆண்டுடன் ஒப்பிடுகையில் மெட்ரிக் தொன் 17,978 என்ற குறிப்பிடத்தக்க குறைவாகும்.

உள்நாட்டு உற்பத்தி இவ்வாறு குறைந்துள்ள நிலையில், வெளிநாடுகளிலிருந்து சீனி இறக்குமதி அதிகரித்துள்ளதாக அந்த அறிக்கைகள் சுட்டிக்காட்டுகின்றன.

அதன்படி, 2024 ஆம் ஆண்டின் முதல் ஒன்பது மாதங்களில் மெட்ரிக் தொன் 470,166 ஆக இருந்த சீனி இறக்குமதி, 2025 ஆம் ஆண்டின் அதே காலப்பகுதியில் மெட்ரிக் தொன் 556,359 ஆக உயர்ந்துள்ளது.