மொட்டுவை பிரதிநிதித்துவப்படுத்தி பாராளுமன்றுக்குத் தெரிவு செய்யப்பட்டு தற்போது அமைச்சரவையில் அங்கம் வகிக்கும் சில அமைச்சர்கள் நிறுவனங்களின் தலைவர்கள் மற்றும் தொழிற்சங்க தலைவர்களுக்கு பாதகமாக செயற்படுவதாக ஸ்ரீலங்கா பொதுஜன பெரமுனவின் செயலாளர் நாயகம் சட்டத்தரணி சாகர காரியவசம் ஜனாதிபதி ரணில் விக்கிரமசிங்கவிடம் தெரிவித்துள்ளதாக தெரிவிக்கப்படுகின்றது. 

அரசாங்கக் கட்சித் தலைவர்கள் அண்மையில் ஜனாதிபதியுடன் நடத்திய விசேட சந்திப்பிலேயே அவர் இதனைத் தெரிவித்துள்ளார்.

மொட்டுவின் பரிந்துரையின் அடிப்படையில் சில நிறுவனங்களுக்கு நியமிக்கப்பட்ட நிறுவனங்களின் தலைவர்களை நீக்குவதற்கு சில அமைச்சர்கள் செயற்பட்டுள்ளதாக சாகர காரியவசம் சுட்டிக்காட்டியுள்ளார்.

தமது தொழிற்சங்கத் தலைவர்களை துன்புறுத்தும் அமைச்சர்களும் துளிர்விடுவதாகவும் அவர் குறிப்பிட்டுள்ளார்.

இது தொடர்பில் ஜனாதிபதியிடம் மத்தியஸ்தம் செய்யுமாறு கோரிய போது, ​​தான் மத்தியஸ்தம் செய்து இவ்வாறான பிரச்சினைகளுக்கு தீர்வு காண்பதாக ஜனாதிபதி தெரிவித்ததாக தெரிவிக்கப்படுகிறது. 

ஜனாதிபதி ரணில் விக்கிரமசிங்க வெளிநாட்டு விஜயத்தை மேற்கொண்டுள்ளதால், நிதி அமைச்சரின் பணிகளை மேற்பார்வையிட இராஜாங்க அமைச்சர் ஷெஹான் சேமசிங்கவும், பாதுகாப்பு அமைச்சரின் பணிகளை மேற்பார்வையிட பிரமித பண்டார தென்னகோனும் நியமிக்கப்பட்டுள்ளனர். 

கட்சியின் யாப்பை திருத்துவது தொடர்பில் கொழும்பு மாவட்ட நீதிமன்றத்தில் தாக்கல் செய்யப்பட்டுள்ள வழக்கின் இறுதித் தீர்ப்பு அறிவிக்கப்படும் வரை, கட்சியின் பழைய யாப்பிற்கு அமைய செயற்பட வேண்டும் என தேர்தல்கள் ஆணைக்குழு ஸ்ரீலங்கா சுதந்திரக் கட்சிக்கு எழுத்து மூலம் அறிவித்துள்ளது.

ஸ்ரீலங்கா சுதந்திரக் கட்சியின் பொதுச்செயலாளர், சட்டத்தரணி தயாசிறி ஜயசேகரவிற்கு தேர்தல்கள் ஆணைக்குழுவினால் இந்த கடிதம் அனுப்பி வைக்கப்பட்டுள்ளது.

வழக்கு தொடர்பில் நீதிமன்றம் இதுவரை வழங்கியுள்ள இடைக்கால தடையுத்தரவிற்கு அமைய, இந்த தீர்மானம் எடுக்கப்பட்டுள்ளதாக தேர்தல்கள் ஆணைக்குழு தெரிவித்துள்ளது. 

தேர்தல்கள் ஆணைக்குழுவினால் பழைய யாப்பு செயற்படுத்தப்படும்போது, கடந்த வருடம் செப்டம்பர் 22 ஆம் திகதி திருத்தியமைக்கப்பட்ட கட்சியின் யாப்பு மற்றும் அதிகாரிகள் குழு ஆகியன இரத்து செய்யப்படும். 

இதற்கமைய, சுதந்திரக் கட்சியின் புதிய யாப்பிற்கமைவாக தற்போது சிரேஷ்ட உப தலைவர்களாக நியமிக்கப்பட்டுள்ள ஷான் விஜயலால் டி சில்வா மற்றும் அங்கஜன் இராமநாதன் ஆகியோரின் பதவிகள் இரத்தாகவுள்ளன. 

அத்துடன், பொருளாளராக நியமிக்கப்பட்டுள்ள சாரதி துஷ்ருமந்தவின் பதவியும் இரத்தாகவுள்ளது. 

ஸ்ரீலங்கா சுதந்திரக் கட்சியின் பழைய யாப்பிற்கமைய, சிரேஷ்ட உப தலைவர்களாக செயற்பட்ட நிமல் சிறிபால டி சில்வா மற்றும் மஹிந்த அமரவீர ஆகியோரும், கட்சியின் பொருளாளராக செயற்பட்ட லசந்த அழகியவண்ணவும் தொடர்ந்தும் அந்த பதவிகளில் செயற்படவுள்ளனர். 

லண்டன் பல்கலைக்கழகத்தின் பேராசிரியர் டேவிட் அலெக்சாண்டர், எதிர்காலத்தில் கொரோனா -2 தொற்றுநோய் கூட ஏற்படும் என்றும் அதைத் தடுக்க முடியாது என்றும் உலகம் முழுவதும் எச்சரித்துள்ளார்.

லண்டனில் கொரோனா தொற்று குறித்து நடத்தப்பட்ட விசாரணையின் போதே அவர் இவ்வாறு தெரிவித்தார்.

கொரோனா -2 தொற்றுநோயிலிருந்து பிரித்தானிய மக்களைக் காப்பாற்றுவது சாத்தியமில்லை என்றும் அவர் குறிப்பிட்டுள்ளார்.

பேராசிரியர் அலெக்சாண்டர் மேலும் கூறுகையில், ‘கொரோனா-2 வைரஸ் எங்கிருந்து பரவுகிறது என்பது இதுவரை கண்டறியப்படவில்லை. பிரித்தானிய டெய்லி மெயில் நாளிதழ் இதனைத் தெரிவித்துள்ளது.

மெதிரிகிரிய பிரதேசத்தில் இடம்பெற்ற துப்பாக்கிச் சூட்டுச் சம்பவத்தில் பெண் ஒருவர் உயிரிழந்துள்ளதாக பொலிஸார் தெரிவித்துள்ளனர்.

36 வயதான மிரிசேனவில் உள்ள அவரது இல்லத்திற்கு அருகில் இனந்தெரியாத நபர் ஒருவரால் சுட்டுக் கொல்லப்பட்டுள்ளார்.

மருத்துவமனையில் அனுமதித்தபோது பெண் உயிரிழந்ததாக பொலிஸார் தெரிவித்தனர்.

நாட்டில் தோல் நோய்கள் பதிவாகும் எண்ணிக்கை அதிகரித்துள்ளதாக சுகாதார திணைக்களம் தெரிவித்துள்ளது.

அங்கீகரிக்கப்படாத அழகுசாதன பொருட்களை பயன்படுத்தியதால், இந்த நிலை ஏற்பட்டுள்ளதாக சுகாதார மேம்பாட்டுப் பணியகம் நடத்திய ஊடகவியலாளர் சந்திப்பில் அறிவிக்கப்பட்டுள்ளது.

இலங்கையில் அண்மைக்காலங்களில் தோல் புற்றுநோயாளர்களின் எண்ணிக்கை அதிகரித்து செல்வதாக தோல் நோய் விசேட வைத்திய நிபுணர்களின் நிறுவனத்தின் தலைவர் விசேட வைத்தியர் சிறியானி சமரவீர தெரிவித்தார்.

இலங்கையில் பதிவு செய்யப்பட்ட அழகுசாதன பொருட்களை மாத்திரம் பயன்படுத்துமாறு ஆலோசனை வழங்கப்பட்டுள்ளது.

இதேவேளை, முகத்தை வெண்மையாக்கும் முகப்பூச்சுகள் உடலில் செல்களை சேதப்படுத்தி புற்றுநோயை ஏற்படுத்தும் என கொழும்பு தேசிய வைத்தியசாலையின் தோல் நோய் தொடர்பிலான விசேட வைத்தியர் இந்திரா கஹாவிட்ட குறிப்பிட்டார்.