பரபரப்பாக நகரும் இந்த காலகட்டத்தில் குழந்தைகள் முதல் பெரியவர்கள் வரை ஏதாவது ஒரு விஷயத்தில் சாதிக்க வேண்டும் என்று விரும்புகிறார்கள். ஒரு சிலருக்கு குறிப்பிட்ட வயதுக்கு பின்னர் சாதிக்க வேண்டும் என்று ஆர்வம் வந்தாலும், வயதை காரணம் காட்டி அதில் இருந்து ஒதுங்கி கொள்கிறார்கள்.

ஆனாலும் ஒரு சிலர் சாதிப்பதற்கு வயது ஒரு தடை இல்லை என்றும் நிரூபித்து வருகின்றனர். இந்த நிலையில் 62 வயது மூதாட்டி ஒருவர் 6,129 அடி உயர மலையில் ஏறி சாதனையை நிகழ்த்தி உள்ளார். அதுபற்றிய விவரம் வருமாறு:-

கர்நாடக மாநிலத்தின் தலைநகர் பெங்களூருவில் உள்ள அனுமந்தநகர் பகுதியில் வசித்து வருபவர் நாகரத்னம்மா (வயது 62). இளம்வயதில் மலையேற்றத்தில் அதிக ஆர்வம் கொண்ட இவர் பல்வேறு மலைகளில் ஏறியுள்ளார். இந்த நிலையில் திருமணத்திற்கு பின்னர் பிள்ளைகள், கணவரை கவனிக்கும் பொருட்டு அவர் மலையேற்றம் செல்வதை தவிர்த்து வந்தார். கடைசியாக தனது 22 வயதில் நாகரத்னம்மா மலையேற்றம் சென்று இருந்தார். அதன் பின்னர் அவர் மலையேற்றம் செல்லவில்லை.

இந்த நிலையில் மகன், மகளுக்கு திருமணம் முடிந்து விட்டதாலும், கணவரும் பணியில் இருந்து ஓய்வு பெற்று விட்டதாலும் மீண்டும் மலையேற்றத்தில் ஈடுபட நாகரத்னம்மா விரும்பினார். இதுகுறித்து அவர் தனது மகனான சிவக்குமார் என்பவரிடம் தெரிவித்து இருந்தார். தாயின் ஆசையை நிறைவேற்ற சிவக்குமாரும் விரும்பினார். இந்த நிலையில் அண்டை மாநிலங்களான கேரளா-தமிழ்நாடு எல்லையில் மேற்கு தொடர்ச்சி மலையில் உள்ள 6,129 அடி உயர அகஸ்தியர் மலையில் மலையேற்றம் செய்ய நாகரத்னம்மா முடிவு செய்தார்.

இதையடுத்து மகன் சிவக்குமாருடன் பெங்களூருவில் இருந்து திருவனந்தபுரத்திற்கு ரெயில் மூலம் சென்று இருந்தார். இதன்பின்னர் அகஸ்தியர் மலையில் மலையேற்றம் மேற்கொள்ள இருந்த 13 பேர் குழுவுடன், நாகரத்னம்மாவும் இணைந்து கொண்டார். அவரை மற்றவர்கள் இன்முகத்துடன் வரவேற்றனர்.

ஆனாலும் மூதாட்டி என்பதால் நாகரத்னம்மா மலையேறி விடுவாரா என்று வனத்துறையினர் யோசனையில் ஆழ்ந்தனர். ஆனால் அவர்களின் யோசனை தவறு என்பதை நிரூபிக்கும் விதமாக இளைஞர்களுக்கு போட்டியாக நாகரத்னம்மா வேகமாக மலையேறினார். மலை உச்சிக்கு சென்ற அவர் குழந்தையை போல துள்ளி குதித்தார். இதில் இன்னொரு ஆச்சரியம் என்னவென்றால் நாகரத்னம்மா புடவை கட்டி கொண்டு மலையேறி உள்ளார்.

இதனை வனத்துறை அதிகாரி ஒருவர் வீடியோ எடுத்து தனது டுவிட்டர் பக்கத்தில் வெளியிட்டு உள்ளார். அந்த வீடியோ பார்த்த பலரும் நாகரத்னம்மாவை வெகுவாக பாராட்டி வருகிறார்கள்.

இதுகுறித்து நாகரத்னம்மா கூறும்போது, எனக்கு மலையேற்றம் ஏறுவதில் அதிக ஆர்வம் உண்டு. ஆனால் கணவர், மகன், மகளை கவனிக்கும் பொருட்டு கடந்த 4 தசாப்தங்கள் அதாவது 40 ஆண்டுகள் மலையேற்றம் செல்லவில்லை.

40 ஆண்டுகள் கழித்து மலையேற்றம் சென்றது மகிழ்ச்சி அளிக்கிறது. வரும் நாட்களிலும் எனது மலையேற்ற பயணம் தொடரும் என்றார். அவரது லட்சிய பயணம் தொடர நாமும் வாழ்த்துவோம்!

உக்ரைன் மீது ரஷ்யா ராணுவ நடவடிக்கைகளை தொடங்கி உள்ளது. நீண்டகாலமாக மோதல் போக்கும் நீடித்து வரும் ரஷ்யா-உக்ரைன் இடையே உள்ள பிரச்சனை என்ன?. அமெரிக்க அதிபர்கள் டொனால்ட் டிரம்ப் முதல் ஜோ பைடன் வரை இதில் தலையிடுவதற்கான காரணம் குறித்த முழு தகவல்கள் வருமாறு:

ரஷ்யா, உக்ரைன் இடையே எல்லை பிரச்னை நீண்ட காலமாக உள்ளது. மேலும் நேட்டோ அமைப்பில் இணைய உக்ரைன் முயற்சிக்கிறது. இதற்கு ரஷ்யா கடும் எதிர்ப்பு தெரிவித்து வருகிறது. மேலும் உக்ரைன் எல்லையில் ரஷ்யா தனது படைகளை குவிக்க தொடங்கியது. உக்ரைனுக்கு அமெரிக்கா, ஐரோப்பிய நாடுகள் பக்கபலமாக உள்ளன.

மேலும் ரஷ்யா போர் தொடுக்க உள்ளதாக அமெரிக்கா தொடர்ந்து கூறி வந்தது. இதற்கிடையே தான் உக்ரைன் மீது ராணுவ நடவடிக்கைகளை துவங்க ரஷ்யா அதிபர் விலாடிமர் புடின் உத்தரவிட்டுள்ளார். இதன் தொடர்ச்சியாக உக்ரைன் தலைநகர் கிவ், மிகப்பெரிய நகரான கார்கியாவில் ரஷ்யா குண்டுகள் வீசி வருகிறது.

உக்ரைன் நாட்டில் கிளர்ச்சியாளர்கள் ஒரு பகுதியில் வசித்து வருகிறார்கள். இதனால் அவ்வப்போது உக்ரைன், கிளர்ச்சியாளர்கள் இடையே மோதல் ஏற்படுவது உண்டு. இந்த மோதலில் கிளர்ச்சியாளர்களுக்கு ரஷ்யா உதவுவதும் உண்டு. இதனால் தான் ரஷ்யா உக்ரைன் இடையேயான பிரச்னை ஆண்டாண்டு காலமாக தொடர்ந்து வருகிறது.

 உக்ரைன் தனிநாடாக பிரிந்த பிறகு அங்கு நடந்த முக்கிய நிகழ்வுகள் வருமாறு:-

1991: மாஸ்கோவில் இருந்து விடுதலை அளிப்பதாக சோவியத் குடியரசின் தலைவர் லியோனிட் கிராவ்சுக் அறிவித்தார். பொதுவாக்கெடுப்பு, தேர்தல் மூலம் உக்ரைன் அதிபராக அவர் தேர்வு செய்யப்பட்டார்.

1994: அதிபர் தேர்தலில் லியோனிட் குச்மா என்பவர் லியோனிட் கிராவ்சுக்கை தோற்கடித்தார்.

1999: லியோனிட் குச்மா மீண்டும் அதிபராக தேர்வு செய்யப்பட்டார். இதில் முறைகேடுகள் நடந்ததாக குற்றச்சாட்டுகள் எழுந்தன.

2004: ரஷ்யா சார்ந்த வேட்பாளர் விக்டர் யானுகோவிச் அதிபராக தேர்வானார். தேர்தல் ஓட்டுப்பதிவில் குற்றச்சாட்டுகள் எழுந்த நிலையில் ஆரஞ்சு புரட்சி என்ற பெயரில் மறுதேர்தல் நடத்த போராட்டங்கள் வெடித்தன. விக்டர் யுஷ்செங்கோ அதிபராக தேர்ந்தெடுக்கப்பட்டார்.

2005: விக்டர் யுஷ்செங்கோ என்பவர் உக்ரைனை நேட்டோ மற்றும் ஐரோப்பிய ஒன்றியத்தில் இணைப்பதாக கூறி அதிபரானார். முன்னாள் எரிசக்தி நிறுவன உரிமையாளர் யூலியா திமோஷென்கோவை பிரதமராக நியமித்தார். அதன்பின் மேற்கத்திய நாடுகளுடனான பிரச்னைகளில் பதவி நீக்கம் செய்யப்பட்டார்.

* 2008: உக்ரைன் ஒரு நாள் தங்களது கூட்டணியில் இணையும் என நேட்டோ உறுதியளித்தது

ரஷ்யா உக்ரைன் ஒப்பந்தம்

2010: அதிபர் தேர்தலில் யானுகோவிச் வெற்றி பெற்றார். கியாஸ் விலை நிர்ணய ஒப்பந்தத்தின் அடிப்படையில் உக்ரைன் கருங்கடல் துறைமுகத்தில் ரஷ்ய கடற்படைக்கான குத்தகை ஒப்பந்தம் நீட்டிப்பு செய்யப்பட்டது.

2013: யானுகோவிச்சின் அரசு நவம்பரில் ஐரோப்பிய நாடுகளுடனான வர்த்தகம் தொடர்பான பேச்சுக்களை நிறுத்தியது. ரஷ்யாவுடனான பொருளாதார உறவுகளை புதுப்பிக்க விரும்பினார். இதற்கு எதிர்ப்பு கிளம்பி தலைவர் கிவ் பகுதியில் ஆர்ப்பாட்டங்கள், போராட்டங்கள் நடத்தப்பட்டன.

2014: கிவ் நகரில் வன்முறை வெடித்தது. பலர் கொலை செய்யப்பட்டனர். பிப்ரவரியில், தப்பியோடிய யானுகோவிச்சை பாராளுமன்ற ஓட்டெடுப்பு மூலம் பதவியில் இருந்து நீக்கினர். அடுத்த சில தினங்களில் கிரிமியாவில் உள்ள பாராளுமன்றத்தை ஆயுதம் ஏந்திய நபர்கள் கைப்பற்றி ரஷ்ய கொடி ஏற்றினர். ரஷ்ய கூட்டமைப்பில் சேருவதற்கான வாக்கெடுப்பு மார்ச் 16ல் நடத்தப்பட்டது. இந்த வாக்கெடுப்பு மூலம் கிரிமியாவை ரஷ்யா தன்னுடன் இணைத்து கொண்டது.

* இதன் தொடர்ச்சியா ஏப்ரலில் உக்ரைன் டான்பாஸின் கிழக்குப் பகுதியில் உள்ள ரஷ்ய ஆதரவு பிரிவினைவாதிகள் சுதந்திரத்தை அறிவித்து கொண்டனர். இதனால் அடிக்கடி மோதல்கள் ஏற்பட துவங்கின.

* மே மாதம் உக்ரைனில் நடந்த தேர்தலில் தொழிலதிபர் பெட்ரோ பொரோஷென்கோ அதிபராக தேர்வு செய்யப்பட்டார்.

* ஜூலை மாதம் ஆம்ஸ்டர்டாமில் இருந்து கோலாலம்பூருக்குச் சென்ற MH17 எனும் பயணிகள் விமானத்தின் மீது ஏவுகணை தாக்குதல் நடந்தது. இதில் விமானத்தில் இருந்த 298 பேர் பலியாகினர். இதுபற்றிய விசாரணையில் தாக்குதலின் பின்னணியில் ரஷ்யா இருப்பது தெரியவந்தது. ஆனால் ரஷ்யா இதுவரை தாக்குதலை ஒப்புக்கொள்ளாமல் மறுத்து வருகிறது.

2017: இலவச சரக்கு விற்பனை செய்வது தொடர்பாக உக்ரைன், ஐரோப்பிய ஒன்றியங்களுக்கு இடையே ஒப்பந்தம் மேற்கொள்ளப்பட்டது. மேலும் ஐரோப்பிய நாடுகளுக்கு உக்ரைன் நாட்டினர் விசா இன்றி பயணிக்கும் ஒப்பந்தமும் கையெழுத்திடப்பட்டது. இது ரஷ்யாவுக்கு கோபத்தை ஏற்படுத்தியது.

2019: புதிய உக்ரேனிய ஆர்த்தடாக்ஸ் தேவாலயம் முறையான அங்கீகாரத்தைப் பெற்றது. இது கிரிமீயம் கோபப்படுத்தியது. கிரெம்ளினைக் கோபப்படுத்தியது.

2019: கிழக்கு உக்ரைனில் போரை முடிவுக்கு கொண்டு வருவதாகவும், ஊழலை ஒழிப்பதாகவும் கூறி முன்னாள் நகைச்சுவை நடிகர் விலாடிமைர் ஜிலென்ஸ்கி வாக்குறுதி அளித்து ஏப்ரலில் நடந்த ஜனாதிபதி தேர்தலில் போட்டியிட்டு போரோஷென்கோவை தோற்கடித்தார். மேலும் அவரது கட்சி ஜூலையில் நடந்த பாராளுமன்ற தேர்தலிலும் வெற்றி பெற்றது.

* மேலும் அமெரிக்க அதிபர் தேர்தலில் தோல்வி பயத்தில் இருந்த டொனால்ட் டிரம்ப், ஜிலென்சிகியை தொடர்பு கொண்டு பேசினார். அப்போது தன்னை எதிர்த்து போட்டியிடும் ஜோபைடன் மகன் உக்ரைனில் மேற்கொள்ளும் தொழில், வர்த்தகங்கள் குறித்து விசாரிக்க வலியுறுத்தினார்.

2020 மார்ச்: கொரோனாவை தடுக்கும் வகையில் உக்ரைன் தனது நாட்டு எல்லைகளை மூடியது.

* ஜூன் 2020: கொரோனாவால் பொருளாதாரத்தில் நசுங்கிய உக்ரைனுக்கு சர்வதேச நாணய நிதியம்(ஐஎம்எப்) 5 பில்லியன் அமெரிக்க டாலர் உதவி செய்தது.

ஜன. 2021 - உக்ரைனை நேட்டோவில் சேர அனுமதிக்குமாறு அமெரிக்க அதிபர் ஜோபைடனிடம் பிடனிடம் ஜெலென்ஸ்கி வேண்டுகோள் விடுத்தார்.

பிப். 2021 - உக்ரைனில் உள்ள எதிர்க்கட்சித் தலைவரான விக்டர் மெட்வெட்சுக் பொருளாதாரா தடைகள் விதிக்கப்பட்டது.

* 2021: உக்ரைன் எல்லையில் ரஷ்யா படைகளை குவிக்க துவங்கியது. பயிற்சிக்காக படைகளை குவித்துள்ளதாக கூறியது.

* அக்டோபர் 2021: கிழக்கு உக்ரைனில் முதன்முறையாக துருக்கி பய்ராக்டர் டிபி2 (Bayraktar TB2) ட்ரோனை உக்ரைன் பயன்படுத்தியது. இது ரஷ்யாவை கோபப்படுத்தியது. ரஷ்யா மீண்டும் உக்ரைன் எல்லையில் அதிக படைகளை குவிக்க துவங்கியது.

* டிசம்பர் 7 - உக்ரைனை ஆக்கிரமித்தால் மேற்கத்திய நாடுகளின் பொருளாதார தடைகளை சந்திக்க நேரிடும் என என அமெரிக்க அதிபர் ஜோபைடன் ரஷ்யாவை எச்சரித்தார்.

* டிசம்பர் 17 - கிழக்கு ஐரோப்பா, உக்ரைனில் எந்தவொரு இராணுவ நடவடிக்கையையும் நேட்டோ மேற்கொள்ளாது என உத்தரவாதம் அளிக்க வேண்டும் என ரஷ்யா வலியுறுத்தியது.

* 2022 ஜனவரி 14: உக்ரைன் நாட்டு இணையதளங்களை முடக்கும் செயல் அரங்கேற்றப்பட்டது.

* ஜனவரி 17 - உக்ரைனின் வடக்கு பகுதியில் உள்ள பெலாரஸ் நகருக்கு கூட்டு பயிற்சிக்காக ரஷ்ய படைகள் வர துவங்கின.

* ஜனவரி 24: நேட்டோ சார்பில் படைகள் தயார் நிலையில் வைக்கப்பட்டன. கிழக்கு ஐரோப்பாவில் போர் கப்பல்கள், விமானங்கள் நிறுத்தப்பட்டன.

* ஜனவரி 26: வாஷிங்டன் ரஷ்யாவின் பாதுகாப்பு கோரிக்கைகளுக்கு எழுத்துப்பூர்வ பதிலை முன்வைக்கிறது, மாஸ்கோவின் கவலைகள் பற்றிய "நடைமுறை" விவாதங்களை வழங்கும் அதே வேளையில் நேட்டோவின் "திறந்த கதவு" கொள்கைக்கான உறுதிப்பாட்டை மீண்டும் கூறுகிறது.

* ஜனவரி 28: ரஷ்யாவின் முக்கிய பாதுகாப்பு கோரிக்கைகள் கவனிக்கப்படவில்லை என்று ஜனாதிபதி விளாடிமிர் புடின் கூறினார்.

* பிப்ரவரி 2: கிழக்கு ஐரோப்பாவில் உள்ள நேட்டோ நட்பு நாடுகளை நெருக்கடியிலிருந்து காப்பாற்ற போலந்து மற்றும் ருமேனியாவுக்கு 3,000 வீரர்களை அனுப்புவதாக அமெரிக்கா கூறியது.

* பிப்ரவரி 4 : பெய்ஜிங் குளிர்கால ஒலிம்பிக்கில், புடின், உக்ரைனை நேட்டோவில் சேர அனுமதிக்கக்கூடாது என்ற தனது கோரிக்கைக்கு சீனாவின் ஆதரவை வென்றார்.

பிப்ரவரி 9: உக்ரைனில் உள்ள அமெரிக்கர்களை உடனடியாக வெளியேறுமாறு அமெரிக்கா வலியுறுத்தியது.

பிப்ரவரி 14: ரஷ்யா படையெடுக்கும்போது உக்ரைன் மக்கள் தேசியக்கொடிகளை பறக்கவிட்டு தேசியகீதத்தை பாட உக்ரைன் அதிபர் ஜிலென்ஸ்கி கூறினார்.

பிப்ரவரி 15: உக்ரைன் அருகே பயிற்சிக்குப் பிறகு வீரர்கள் நாடு திரும்புவதாக ரஷ்யா கூறியது. கிழக்கு உக்ரைனில் உள்ள ரஷ்ய ஆதரவு பகுதிகளை சுதந்திர நாடாக அறிவிக்க ரஷ்ய பாராளுமன்றத்தில் முடிவு எடுக்கப்பட்டது.

பிப்ரவரி 19: புடின் மேற்பார்வையில் ரஷ்ய படைகள் அணுஆயுத பயிற்சியை மேற்கொண்டன.

பிப்ரவரி 21: கிழக்கு உக்ரைனில் உள்ள ரஷ்யா ஆதரவு 2 பகுதிகளை சுதந்திர நாடுகளாக புடின் அங்கீகரித்தார்.

பிப்ரவரி: 24: உக்ரைன் மீது ராணுவ நடவடிக்கைகள் துவங்க ரஷ்யா அதிபர் புடின் உத்தரவிட்டுள்ளார்.

உக்ரைன் எல்லைகளில் படைகளை குவித்து கடந்த ஒரு மாத காலமாக எச்சரித்து வந்த ரஷியா, இன்று அதிகாலையில் உக்ரைன் மீது போரை தொடங்கியது. வான்வழி, கடல்வழி மற்றும் தரைவழி என மும்முனை தாக்குதலை நடத்தி வருகிறது. கிழக்கு உக்ரை முழுவதும் குண்டுகள் வெடிக்கும் சத்தம் கேட்கிறது.

உக்ரைன் வீரர்கள் ஆயுதங்களை கீழே போட்டு விட்டு வீடுகளுக்கு செல்லும்படி ரஷிய அதிபர் புதின் எச்சரிக்கை விடுத்துள்ளார். எனினும் உக்ரைன் படைகள் பின்வாங்காமல் பதிலடி கொடுத்தவண்ணம் உள்ளன. ரஷியாவின் போர் விமானங்கள் குண்டு மழை பொழிந்து வரும் நிலையில், உக்ரைன் தங்களை தற்காத்துக் கொள்ள பதிலடி கொடுத்து வருகிறது. ரஷியாவின் ஐந்து போர் விமானங்கள் மற்றும் ஒரு ஹெலிகாப்டரை சுட்டு வீழ்த்தியதாக உக்ரைன் பாதுகாப்பு அமைச்சகம் தெரிவித்துள்ளது.

இந்நிலையில் ரஷியாவிடம் சரண் அடைய மாட்டோம் என உக்ரைன் அதிபர் விளாடிமிர் ஜெலன்ஸ்கி திட்டவட்டமாக கூறி உள்ளார். மேலும் ரஷியா உடனான அனைத்து உறவுகளையும் முறித்துக்கொள்வதாகவும் அறிவித்துள்ளார்.

ரஷ்யப் படைகளிடமிருந்து நாட்டைப் பாதுகாக்கத் தயாராக இருக்கும் அனைத்து மக்களும் முன்வர வேண்டும். ரஷிய படைகளுக்கு எதிராக களமிறங்கும் அனைவருக்கும் ஆயுதங்கள் வழங்கப்படும். ரஷ்யர்கள் வெளியே வந்து போருக்கு எதிராக எதிர்ப்பு தெரிவிக்க வேண்டும் என்றும் ஜெலன்ஸ்கி அழைப்பு விடுத்தார்.

தலவாக்கலையில் மரம் முறிந்து விழுந்து உயிரிழந்த ஆசிரின் மரண சடங்கில் மலையகத்தைச் சேர்ந்த இராஜாங்க அமைச்சர் ஒருவர் கலந்து கொண்டார். 

மலையக அரசியல் களத்தில் சின்னத் தம்பி என அறியப்பட்ட இவர் மரண வீட்டுக்குச் சென்றதும் ஊடகவியலாளர்கள் இவரை கண்டு நெருங்கியுள்ளனர். 

உடனடியாக ஊடகங்கள் முன் தனது அரசியல் பேச்சை ஆரம்பித்த இந்த இராஜாங்க அமைச்சர்  வடக்கில் மீனவர்கள் பிரச்சினை தமிழ்நாடு விஜயம் என வசனங்களை அவிழ்த்துவிடத் தொடங்கினாராம். 

மரம் முறிந்து விழுந்து உயிரிழந்த ஆசிரியர் குறித்தும் மக்கள் எதிர்கொள்ளும் பிரச்சினைகள் குறித்தும் பேசாமல் இருந்ததால் அருகில் இருந்தவர்கள்  ஆத்திரமடைந்து தங்களது பிரச்சினை பற்றி பேசுமாறு கூச்சலிட்டுள்ளதுடன் மீனவர் பிரச்சினை பேசுவதாயின் இங்கிருந்து செல்லுமாறும் கூச்சலிட்டுள்ளனர்.

இதனால் அங்கு சிறு பரபரப்பு ஏற்பட்ட நிலையில்  பொலிஸார் தலையிட்டு இராஜாங்க அமைச்சரவை அங்கிருந்து அனுப்பி வைத்துள்ளனர். 

மரண வீட்டு சோகத்தில் சுற்றி இருந்தவர்கள் சற்று மது அருந்தி இருந்ததையும் மறைப்பதற்கில்லை. 

இராஜாங்க அமைச்சர் அசிங்கப்பட்டு அங்கிருந்து சென்றுவிட்டார்.